Дар натиҷаи тирпаронӣ дар шаҳри Чикагои Амрико як нафар ҳалок ва 10 нафар захмӣ шуданд

ДУШАНБЕ, 16.04.2024 /АМИТ «Ховар»/. Дар натиҷаи тирпароние, ки шаби 13 апрел дар ноҳияи Саутсайди шаҳри Чикаго /ИМА/ ба амал омад, як нафар духтари нуҳсола ҳалок ва 10 нафари дигар, аз ҷумла се кӯдак захмӣ шуданд. Дар ин хусус воситаҳои ахбори оммаи маҳаллӣ иттилоъ додаанд, хабар медиҳад АМИТ «Ховар» бо истинод ба «Синхуа».

Тибқи маълумоти полиси маҳаллӣ, тирпаронӣ тақрибан соати 21:20 ба вақти маҳаллӣ рух додааст. Духтари нуҳсола аз захми сар вафот намуда, писари яксола ва писари ҳаштсола захмҳои зиёде бардошта, дар ҳолати вазнин қарор доранд. Писари дигарӣ, ки нуҳ сол дорад, бо захмҳои сабук худро хуб ҳис мекунад.

«Ин амали тасодуфии зӯроварӣ набуда, эҳтимол ба фаъолияти гурӯҳҳои ҷиноятӣ вобаста аст», — изҳор дошт муовини сардори ноҳияи 1-уми полиси Чикаго Дон Ҷером.

АКС аз манбаъҳои боз