ОБОД СОХТАНИ ВАТАН ИБОДАТ АСТ. Сокини деҳаи Тахти шаҳри Ҳисор маблағи сафари ҳаҷро дар таъмири боми мактаби деҳа сарф менамояд
ДУШАНБЕ, 09.04.2024 /АМИТ «Ховар»/. Сокини деҳаи Тахти шаҳри Ҳисор Мирзомурод Исматов сафари ҳаҷашро мавқуф гузошта, маблағи бо ин мақсад пасандознамудаашро ба таъмири боми мактаби №55-и зодгоҳаш, ки худ ва бародараш дар он таҳсил намудаанд, сарф менамояд.
Мирзомурод Исматов, ки мактабро хубу аъло хатм намуда, тарҷумони забони англисӣ ва арабӣ мебошад, мегӯяд, ки бо мақсади шинос шудан бо таҳсили фарзандаш Аҳмадҷон ба Муассисаи таҳсилоти миёнаи умумии №55- и деҳааш рафта, вориди синф гардид. Чун рӯзи боронӣ буд, ҷо-ҷо аз сақфи синфхона об мечакид. Зардиҳои девор нишони он буд, ки қаблан низ оби борон вориди синфхона мешудааст. Бино ба гуфти маъмурияти муассиса, гарчанде боми муассисаро ҳар сол таъмир менамоянд, аз сабаби фарсуда будани бомпӯши бино ин ҳолат тез-тез рух медиҳад.
Мирзомурод ба хона баргашт ва ба падараш Абдусаттор Исматов, ки марди тақводор буда, фарзандонашро бо меҳнати ҳалол ба камол расонида, соҳиби илму ҳунар намудааст, гуфт, ки сафари ҳаҷашро мавқуф гузошта, маблағи бо ин мақсад пасандознамудаашро дар таъмири боми мактаб сарф менамояд. Ҳоло ҷавон аст, боз имкон мешавад, ки ҳаҷ намояд.
Бо ин мақсад ӯ маблағи заруриро ба бародараш Шаҳобиддин дода, таъкид намуд, ки 500 дона шифери асбестӣ харида биёрад ва ба савоб шарик гардад.
Падар, ки устои сохтмончӣ аст, аз тасмими писаронаш қаноатманду хушҳол гардида, азм намуд, ки дар вақти таътили мактаббачаҳо корҳои сохтмонӣ ва иваз намудани бомпӯши мактабро анҷом медиҳад.
Хотирнишон месозем, ки Президенти Тоҷикистон муҳтарам Эмомалӣ Раҳмон 9 марти соли равон зимни мулоқот бо фаъолони ҷомеа ва ходимони дин, ки дар Душанбе баргузор гардид, чунин иброз намуданд: «Мо зидди рафтани мардумамон барои адои ҳаҷ нестем, аммо таъкид месозам, ки ин раванд набояд хусусияти таассубу тақлид ва мусобиқаро касб намояд. Зеро мо бояд аввал шароити зиндагии худ ва фарзандонамонро беҳтар намоем, аҳволи ҳамсояи чапу ростро пурсем, хешу табори ниёзмандамонро дастгирӣ намоем ва баъд нияти зиёрати хонаи Худо кунем».
АКС: Мақомоти иҷроияи ҳокимияти давлатии шаҳри Ҳисор
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
Эмомалӣ Раҳмон: «Риояи сарфаю сариштакорӣ одоби баргузории ҳар гуна иду маросим мебошад»
Эмомалӣ Раҳмон: «Иди Фитр, ҷашни Наврӯз ва дигар ойинҳои милливу эътиқодӣ маҳз ба шарофати Истиқлоли давлатӣ эҳё гардиданд»
«ҶАМЪИЯТИ СОЛИМ». Дар Федератсияи Русия форуми соҳаи тандурустӣ доир шуд
НАВРӮЗ — ТАРОНАИ ОҒОЗИ СОЛ. Ойину суннатҳои наврӯзӣ ҳамсони ин ҷашн таърихи куҳан доранд
НАҚШИ ЗАНОН ДАР ЭҲЁИ СУННАТҲОИ НАВРӮЗӢ. Таҳти ин унвон форуми байналмилалӣ доир мешавад
Корхонаи воҳиди давлатии «Обу корези Душанбе» дар ҳавзҳои таҳшин корҳои тозасозӣ анҷом дода истодааст
Дар Душанбе намоиш-фурӯши маҳсулоти ҳунармандӣ ташкил карда шуд
«ТОҶИКИСТОН ВАТАНИ НАВРӮЗ АСТ». Таҳти чунин унвон дар шаҳри Душанбе ҳамоиш баргузор гардид
