СОЛҲОИ РУШДИ САНОАТ. Имсол дар вилояти Суғд ба истифода додани 140 корхонаву коргоҳи нави саноатӣ ба нақша гирифта шудааст
ДУШАНБЕ, 28.04.2024 /АМИТ «Ховар»/. Соли равон дар вилояти Суғд ба истиқболи ҷашни 35-солагии Истиқлоли давлатии Ҷумҳурии Тоҷикистон ба истифода додани 140 корхонаву коргоҳи нави саноатӣ бо 2 ҳазору 800 ҷойи нави корӣ пешбинӣ гардидааст. Дар ин хусус зимни ҷаласаи корӣ доир ба натиҷаҳои рушди иҷтимоию иқтисодии вилоят дар 3 моҳи соли 2024 иттилоъ дода шуд.
Тавре АМИТ «Ховар» бо истинод ба Хадамоти матбуоти Раиси вилояти Суғд хабар медиҳад, давоми се моҳи соли равон ҳаҷми истеҳсоли маҳсулоти саноатӣ дар вилоят ба 6 млрд.84 млн. сомонӣ расонида шуда, нисбат ба ҳамин давраи соли гузашта суръати афзоиш бо нархҳои амалкунанда 106 фоиз таъмин гардидааст.
Дар ин давра суръати афзоиши намудҳои асосии маҳсулот таъмин гардида, ба миқдори 91 ҳазору 202 тонна орд, 1745 тонна равғани растанӣ, 12 ҳазору 149 тонна нон ва маҳсулоти нонӣ, 3 млн. 323 ҳазор қуттии шартӣ консерваҳои гуногун, 3 млн. 557 ҳазор декалитр нӯшокиҳои беспирт ва 3 млн. 348 ҳазор қуттии шартӣ консерваҳои меваю сабзавот истеҳсол карда шуда, нисбат ба ҳамин давраи соли қаблӣ суръати афзоиши истеҳсоли орд 122 фоиз, равғани растанӣ 103 фоиз, нон ва маҳсулоти нонӣ 140 фоиз, консерваҳо 2 баробар, нӯшокиҳои беспирт 1,6 баробар ва консерваҳои меваю сабзавот 2 баробар таъмин гардидааст.
Гуфта шуд, ки дар моҳҳои январ-марти соли 2024 дар вилоят ба миқдори 303 ҳазор тонна семент ва 226 ҳазор тонна ангишт истеҳсол карда шудааст.
Дар ҷаласаи мазкур ҳамчунин иттилоъ дода шуд, ки дар натиҷаи тадбирҳои андешидашуда давоми се моҳи соли 2024 дар миқёси вилоят 39 корхонаву коргоҳи нав бо 246 ҷойи нави корӣ ба фаъолият шурўъ намуд.
Корхонаҳои навтаъсис асосан корхонаҳои соҳаи саноати истеҳсоли масолеҳи сохтмон, хўрокворӣ ва сабукро дар бар гирифта, барои таъмини бозори дохилӣ бо маҳсулоти истеҳсоли ватанӣ ва воридотивазкунанда мусоидат намуданд.
Рухсораи НУР,
АМИТ «Ховар»
АКС: Хадамоти матбуоти Раиси вилояти Суғд
Сарвари давлат Эмомалӣ Раҳмон дар шаҳри Левакант Парки инноватсионии саноатию технологиро мавриди баҳрабардорӣ қарор доданд
Дар Ашқобод ҷаласаи Комиссияи байнидавлатии ҳамоҳангсозии хоҷагии оби Осиёи Марказӣ доир шуд
Байни «Тоҷикаэронавигатсия» ва Бюрои минтақавии идоракунии ҳаракати ҳавоӣ дар минтақаи Шинҷони Чин Ёддошти тафоҳуми ҳамкорӣ ба имзо расид
Дурнамои муносибатҳои муштараки Тоҷикистон ва Чин дар самти баланд бардоштани гардиши савдо баррасӣ шуд
Президенти Тоҷикистон Эмомалӣ Раҳмон дар ноҳияи Ёвон корхонаи кранҳои борбардорро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Ёвони вилояти Хатлон корхонаи гаҷкартони Ҷамъияти дорои масъулияти маҳдуди «Файзи гаҷ»-ро ба истифода доданд
БЕХАТАРИИ ПАРВОЗҲО ҲАДАФИ АСОСИИ МОСТ. Дар шаҳри Алмато ҷаласаи якуми мақомоти авиатсионии минтақа баргузор гардид
Ҷаласаи гурӯҳи кории байниидоравии Шурои миллии рушди назди Президенти Ҷумҳурии Тоҷикистон доир шуд
Вазири энергетика ва Сафири Ҷопон бо ҷараёни сохтмони Неругоҳи барқи обии «Себзор» шинос шуданд
Дар шаҳри Ал-Кувайт Форуми саноатӣ, сармоягузорӣ ва иқтисодии Тоҷикистон ва Кувайт баргузор гардид
Дар мавзуи рушди зеҳни сунъӣ дар Тоҷикистон машғулияти байналмилалӣ доир гардид
