Вазири рушди иқтисод ва савдои Тоҷикистон дар Риёз бо Роҳбари ITFC мулоқот анҷом дод
ДУШАНБЕ, 30.04.2024 /АМИТ «Ховар»/. Дар Тоҷикистон то имрӯз аз ҷониби Корпоратсияи Байналмилалии Исломии Маблағгузории Савдо (ITFC) ба маблағи 182 миллион доллар лоиҳаҳои сармоягузорӣ татбиқ шуда, дар айни замон 3 лоиҳа ба маблағи 18 миллион доллари амрикоӣ амалӣ мегардад.
Дар доираи ҷаласаҳои солонаи Гурӯҳи Бонки Исломии Рушд /БИР/ дар шаҳри Риёзи Подшоҳии Арабистони Саудӣ Вазири рушди иқтисод ва савдои ҷумҳурӣ/мудири кишварии Бонки Исломии Рушд аз Тоҷикистон Завқӣ Завқизода бо Роҳбари ITFC ва Корпоратсияи Исломии Рушди бахши хусусӣ (ICD) Ҳани Салем Сонбол мулоқот намуда, масъалаҳои мубрами тавсеаи ҳамкориро баррасӣ намуд. Дар ин хусус АМИТ «Ховар» бо истинод ба Вазорати рушди иқтисод ва савдои ҷумҳурӣ иттилоъ медиҳад.
Завқӣ Завқизода имконияти зиёди сармоягузорӣ ва рушди бахши хусусии Тоҷикистонро муаррифӣ намуда, аз Роҳбари ITFC ва ICD-и бахши хусусӣ дархост намуд, ки ба соҳаҳои афзалиятноки иқтисоди миллӣ, аз ҷумла тақвияти иқтидори содиротии мамлакат, таъсиси корхонаҳои нассоҷӣ ва истеҳсоли маҳсулоти ҳалол, марказҳои логистикӣ, рушди савдо ва сайёҳӣ, бонкдории анъанавию исломӣ ва тақвияти иқтидори бахши хусусӣ маблағгузориро зиёд намояд.
Роҳбари Корпоратсия Ҳани Салем Сонбол омодагиашро барои татбиқи лоиҳаҳо дар соҳаҳои гуногуни иқтисодиёт ва тақвияти ҳамкорӣ изҳор намуд.
АКС: Вазорати руши иқтисод ва савдои Ҷумҳурии Тоҷикистон
Дар Душанбе «Стратегияи миллии оби Ҷумҳурии Тоҷикистон барои давраи то соли 2040» муаррифӣ шуд
НИШАСТИ МАТБУОТӢ. Зиёда аз 1600 гектар замин ба гардиши кишоварзӣ ворид гардид
НИШАСТИ МАТБУОТӢ. Дар Суди Олии иқтисодии Тоҷикистон беш аз 3 ҳазор парванда баррасӣ гардид
Ҳамкории Тоҷикистон бо Эрон дар бахши инноватсия баррасӣ гардид
НИШАСТИ МАТБУОТӢ. Дар Тоҷикистон дар ҳаҷми 53,8 миллиард сомонӣ маҳсулоти саноатӣ истеҳсол гардид
Фурудгоҳи байналмилалии Душанбе ба зиёда аз 8 ҳазор хатсайри мунтазам ва чартерӣ хизмат расонидааст
«Сомон Эйр» соли 2024 беш аз 1,5 миллион мусофирро ба 12 давлати ҷаҳон интиқол додааст
Ҷаласаи Комиссияи байниҳукуматии Тоҷикистон ва Кувайт оид ба ҳамкории тиҷоратию иқтисодӣ баргузор гардид
Дар Душанбе Конфронси 29-уми тарафҳои Конвенсияи қолабии СММ оид ба тағйирёбии иқлим натиҷагирӣ карда шуд
Дар Душанбе оид ба рушди инноватсия ва технологияи рақамӣ ҳамоиш доир шуд
НИШАСТИ МАТБУОТӢ. Қонунвайронкунии зиддиинҳисорӣ ба маблағи зиёда аз 5 миллион сомонӣ ошкор гардид
Тоҷикистон аввалин гузоришро оид ба барӯйхатгирии газҳои гулхонаӣ барои солҳои 1990-2022 ба Конвенсияи қолабии СММ пешниҳод намуд
