Дар Берлин бо фаъолони диаспораҳо аз минтақаҳои мухталифи Олмон, Лаҳистон ва Чехия мулоқот доир гардид
ДУШАНБЕ, 14.05.2024 /АМИТ «Ховар»/. Дар шаҳри Берлин бо тоҷикони бурунмарзии дорои касбу кори гуногун, аз ҷумла донишҷӯён, касбомӯзон, табибон, соҳибкорон, варзишгарон ва фаъолони диаспораҳо аз минтақаҳои мухталифи Олмон, инчунин Лаҳистон ва Чехия мулоқот баргузор гардид. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Олмон хабар медиҳад.
Сафири Тоҷикистон дар Олмон Имомуддин Сатторов дар мулоқот таъкид намуд, ки тақвияти ваҳдати миллӣ дар шароити печидаи ҷаҳони муосир, ҳифзу гиромидошти арзишҳои милливу фарҳангӣ, инчунин ба таври арзанда муаррифӣ намудани Ватану миллати худ дар кишварҳои иқомат муҳим мебошад.
Дар ин росто гуфта шуд, ки бо талошҳои пайвастаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мамлакати мо дар соҳаҳои мухталиф ба дастовардҳои назаррас ноил гардида, боз ҳам ободу зеботар мегардад.
Бинобар ин зимни суҳбат ҷавонону донишҷӯёнро даъват намуданд, ки ба омӯзиши фанновариҳои муосир диққати бештар дода, дар ободиву пешрафти Ватан ҳисса гузоранд.
Ҳамчунин эҳтироми қонуну қоидаҳои давлати будубош ва баланд бардоштани маърифати ҳуқуқии шаҳрвандон, аз ҷумла дар партави Соли маърифати ҳуқуқӣ таъкид гардид.
Гурӯҳе аз ҳамватанони фаъол барои саҳми арзандаашон дар тарғиби таъриху фарҳанги миллати куҳанбунёди тоҷик ва муттаҳидсозии ҳамватанон дар Олмону Лаҳистон бо Сипосномаи Сафорат қадрдонӣ шуданд.
АКС: Сафорати Ҷумҳурии Тоҷикистон дар Олмон
Сироҷиддин Муҳриддин бо донишҷӯёни тоҷик дар Британияи Кабир мулоқот намуд
Сафири Тоҷикистон бо Губернатори вилояти Свердловски Русия мулоқот намуд
Дар Лондон нишасти вазирони корҳои хориҷии кишварҳои Осиёи Марказӣ ва Британияи Кабир доир шуд
Сафири Тоҷикистон бо Директори идории ширкати «Wien Energy» мулоқот намуд
Давлатшоҳ Гулмаҳмадзода бо донишҷӯёни тоҷик ва роҳбарони ҷамъиятҳои тоҷикони муқими ҳавзаи федералии Урали Русия мулоқот намуд
Дар Лондон машваратҳои сиёсӣ байни Ҷумҳурии Тоҷикистон ва Подшоҳии Муттаҳидаи Британияи Кабир баргузор шуданд
Сироҷиддин Муҳриддин дар вохӯрӣ бо раис ва аъзои гурӯҳи ҳамаҳизбии Парлумони Подшоҳии Муттаҳида барои Осиёи Марказӣ иштирок намуд
Дар Женева дар доираи иҷлосияи 61-уми Шурои ҳуқуқи инсони СММ чорабинии канории Тоҷикистон баргузор шуд
Сафири Тоҷикистон бо раиси Парлумони Гурҷистон мулоқот намуд
Давлатшоҳ Гулмаҳмадзода бо ҳамватанон, донишҷӯёни тоҷик ва роҳбарони ҷамъиятҳои тоҷикони муқими Бошқирдистони Русия мулоқот намуд
Сафири Тоҷикистон дар Форуми донишгоҳҳо ва илм байни Олмон ва Осиёи Марказӣ иштирок намуд
Дар қароргоҳи ИДМ дар Минск ҷаласаи Шурои намояндагони доимӣ баргузор гардид
