Омӯзгорони тоҷик дар Озмуни байналмилалии «Барои саҳми назаррас дар рушди илм» соҳиби ҷойи ифтихорӣ шуданд
ДУШАНБЕ, 10.05.2024 /АМИТ «Ховар»/. Мақолаҳои ду омӯзгори Донишгоҳи давлатии омӯзгории Тоҷикистон ба номи Садриддин Айнӣ дар нахустин Озмуни байналмилалии «Барои саҳми назаррас дар рушди илм», ки дар байни муассисаҳои илмӣ-таълимии Иттиҳоди Давлатҳои Мустақил /ИДМ/ гузаронида шуд, сазовори ҷои ифтихорӣ гардиданд. Дар ин хусус ба АМИТ «Ховар» дар Донишгоҳи давлатии омӯзгории Тоҷикистон ба номи Садриддин Айнӣ иттилоъ доданд.
Мақолаҳои омӯзгорони Донишгоҳ таҳти унвони «Ҳифзи пиряхҳо – ҳифзи ҳаёт дар рӯи Замин» ва «Тоҷикистон – ташаббускори қатъномаҳои обии Маҷмаи умумии СММ», ки ба ташаббусҳои байналмилалии Ҷумҳурии Тоҷикистон ва яке аз мавзуъҳои муҳими имрӯзи сайёра – обу иқлим бахшида шудаанд, арзишманд ва мубрам дониста шуда, муаллифони онҳо- Фаридун Кенҷаев ва Мубирхони Муминпур дар байни муассисаҳои илмӣ-таълимии Иттиҳоди Давлатҳои Мустақил сазовори ҷои намоён гардиданд.
Ғолибон бо Дипломи дараҷаи I, нишони сарисинагӣ, шаҳодатнома ва маҷмуаи якуми китобҳои кормандони илмӣ-педагогӣ қадрдонӣ гардиданд.
Ин мақолаҳо дар индекси иқтибосҳои илмии Русия (РИНЦ), сомонаи китобхонаи электронии илмӣ (elibrary.ru) ва бо додани рамзи байналмилалии ISBN дар сомонаи нашриёти Ассотсиатсияи «Ҳаракати умумимиллии «Бобек» ҷойгир карда мешаванд.
Нахустин Озмуни байналмилалии «Барои саҳми назаррас дар рушди илм» байни профессорҳо, докторҳо, номзадҳо, докторантон аз рӯи ихтисос (PhD) ва олимони ҷавони самти илмӣ-педагогии Арманистон, Беларус, Гурҷистон, Қазоқистон, Қирғизистон, Молдова, Муғулистон, Озорбойҷон, Русия, Словения, Тоҷикистон, Туркия, Туркманистон, Узбекистон, Украина ва Чин баргузор гардид.
Озмун бо ибтикори Ассотсиатсияи байналмилалии донишҷӯён, Ассотсиатсияи «Ҳаракати умумимиллии «Бобек», индекси иқтибосҳои илмии Русия (РИНЦ) ва сомонаи китобхонаи электронии илмӣ (elibrary.ru) ба ифтихори 125-солагии аввалин Президенти Академияи илмҳои Қазоқистон, академик Каниш Сатпаев гузаронида шуда, мақолаҳои илмӣ аз рӯи 21 самти асосӣ ҷамъоварӣ ва натиҷагирӣ гардид.
Гуфта мешавад, ки дар заминаи сиёсати маорифпарваронаи Президенти Ҷумҳурии Тоҷикистон муҳтарам Эмомалӣ Раҳмон, дастгирии роҳбарияти Вазорати маориф ва илми Ҷумҳурии Тоҷикистон ва Донишгоҳи давлатии омӯзгории Тоҷикистон ба номи Садриддин Айнӣ таваҷҷуҳ ва саҳми омӯзгорони ҷавон ба рушди илм бештар гардидааст.
АКС: Донишгоҳи давлатии омӯзгории Тоҷикистон ба номи С. Айнӣ
Барои сохтмони кампуси Донишкадаи байналмилалии Данғара лоиҳаи Бонки Исломии рушд амалӣ карда мешавад
Байни Маркази барномаҳои байналмилалӣ ва Муассисаи таълимии байналмилалии «Оксфорд» Созишномаи ҳамкорӣ ба имзо расид
Масъалаи ҳамкорӣ дар соҳаи маорифи Тоҷикистон ва Зимбабве баррасӣ гардид
Маркази эҷодии кӯдакон ва наврасони ноҳияи Фирдавсӣ сазовори Ҷоми «Сарраёсати маорифи шаҳри Душанбе» гардид
Дар 21 шаҳру ноҳияҳои Тоҷикистон барои кормандони муваққатии марказҳои имтиҳонӣ машварати омӯзишӣ баргузор мегардад
Даври дуюми бақайдгирӣ барои иштирок дар имтиҳонҳои марказонидаи дохилшавӣ аз моҳи июн оғоз мешавад
Ҷавонони боистеъдоди тоҷик дар беҳтарин муассисаҳои таҳсилоти олии давлатҳои пешрафтаи ҷаҳон таҳсил доранд
Дар Вазорати маориф ва илм рафти иҷрои барномаҳои давлатии соҳаи маориф дар шаҳру ноҳияҳои тобеи ҷумҳурӣ баррасӣ гардид
Дар Донишгоҳи байналмилалии забонҳои хориҷии Тоҷикистон Маркази иттилоот, инноватсия ва рақамикунонӣ ифтитоҳ гардид
Президенти Тоҷикистон: «Барои таълиму тарбияи наврасону ҷавонон 11 лоиҳаи сармоягузории давлатӣ татбиқ мегардад»
Бо мақсади омӯзиши ҳатмии забонҳои хориҷӣ замимаи мобилии «Забондон» таҳия гардид
Робитаҳои илмӣ-академӣ байни муассисаҳои таълимии Тоҷикистон ва Федератсияи Русия тақвият меёбанд
