Дар ноҳияи Рӯдакӣ зеристгоҳи барқии «Дӯстӣ» ба истифода дода шуд
ДУШАНБЕ, 27.07.2024 /АМИТ «Ховар»/. 26 июл дар ноҳияи Рӯдакӣ зеристгоҳи барқии 110/10 кВ-и «Дӯстӣ» ба истифода дода шуд. Дар ин хусус АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон хабар медиҳад.
Зеристгоҳи барқии навбунёд, имкон фароҳам меорад, ки сокинони ҷамоатҳои деҳоти Мирзо Турсунзода, Чоргултеппа, шаҳраки Сомониён, деҳаҳои Кӯктош, Стаханов, Чорсӯ ва 8-уми Март, инчунин корхонаҳои саноатии ноҳияи Рӯдакӣ бо барқи боэътимод таъмин гарданд. Дар баробари ин, қисман зеристгоҳҳои барқии 220/110/10 кВ-и «Дарёканор» ва 35/10 кВ-и «Мадад» аз серборӣ озод мегарданд.Зеристгоҳи барқии «Дӯстӣ» аз ҷониби сохтмончиёни филиали Ҷамъияти саҳомии кушодаи «Шабакаҳои интиқоли барқ» дар шаҳри Душанбе дар муддати се моҳ бунёд шудааст.
Дар маросими ба истифода додани зеристгоҳи барқии «Дӯстӣ» Вазири энергетика ва захираҳои оби Ҷумҳурии Тоҷикистон Далер Ҷумъа, Директори генералии Ҷамъияти саҳомии кушодаи «Шабакаҳои интиқоли барқ» Мирзо Маҳмудзода, раиси ноҳияи Рӯдакӣ Абдуғаффор Ҳикматуллозода ва Директори бахши иқтисодии Агентии Иёлоти Муттаҳидаи Амрико оид ба рушди байналмилалӣ (USAID) (Иҷрокунандаи вазифаи Директори дафтари USAID дар Тоҷикистон) Каролин Апфхэм иштирок намуданд.
Вазири энергетика ва захираҳои об Далер Ҷумъа баъд аз маросими ифтитоҳ ва боздиди зеристогоҳ бо сохтмончиён суҳбат намуда, сифати корҳоро хуб арзёбӣ намуд.
АКС: Вазорати энергетика ва захираҳои оби Ҷумҳурии Тоҷикистон
ПЕШГИРИИ ОҚИБАТҲОИ ТАҒЙИРЁБИИ ИҚЛИМ. Дар Тоҷикистон майдони дарахтони саксавул ва павловния васеъ мегардад
Дар Тоҷикистон шумораи истифодабарандагони интернет 5,2 миллион нафарро ташкил медиҳад
Байни Тоҷикистон ва Қирғизистон оид ба ҳамкории тиҷоратӣ Ёддошти тафоҳум ба имзо расид
НИШАСТИ МАТБУОТӢ. Соли 2025 ба соҳаҳои иқтисодии Тоҷикистон 57,1 миллиард сомонӣ равона карда шуд
Агентии «Тоҷикстандарт»: «Аз марҳилаи муайяни тамғаи «Нутрилон» ва «Малютка» истифода набаред!»
Тсзоу Ҷиайи: «Бонки Осиёии Сармоягузориҳои Инфрасохторӣ барномаҳои миллӣ ва минтақавии рушди Тоҷикистонро дастгирӣ менамояд»
Дурнамои ҳамкории Тоҷикистон ва Иттиҳоди Аврупо дар соҳаҳои сармоягузорӣ ва иқтисод баррасӣ гардид
Татбиқи лоиҳаи «Азнавпайвастшавӣ ба низоми ягонаи энергетикии Осиёи Марказӣ» баррасӣ гардид
Ҷаласаи якуми Шурои байниҳукуматии Ҷумҳурии Тоҷикистон ва Ҷумҳурии Қирғизистон баргузор шуд
Дар ҷаласаи Шуро оид ба шарикии давлат ва бахши хусусӣ чор лоиҳаи нав ба маблағи 82,5 миллион сомонӣ баррасӣ шуд
Дар Тоҷикистон хизматрасонии интернети моҳворавии Starlink расман оғоз гардид
НИШАСТИ МАТБУОТӢ. Ба буҷети давлатӣ аз ҳисоби бақияи қарзи андозҳо беш аз 2 миллиард сомонӣ ворид карда шуд
