ИМТИҲОНҲОИ МАРКАЗОНИДАИ ДОХИЛШАВӢ. Масъулини Прокуратураи генералӣ ва Маркази миллии тестӣ дар Душанбе бо ҷараёни баргузории имтиҳонҳо шинос шуданд
ДУШАНБЕ, 05.07.2024 /АМИТ «Ховар»/. Масъулини Прокуратураи генералии Ҷумҳурии Тоҷикистон ва Маркази миллии тестии назди Президенти Ҷумҳурии Тоҷикистон бо рафти баргузории имтиҳонҳои марказонидаи дохилшавӣ дар шаҳри Душанбе шинос шуданд. Дар ин хусус АМИТ «Ховар» бо истинод ба Маркази миллии тестии назди Президенти Ҷумҳурии Тоҷикистон хабар медиҳад.
Гуфта шуд, ки мақсади иқдоми мазкур назорати риояи тартиби муқаррарнамудаи Ҳукумати Ҷумҳурии Тоҷикистон дар рафти имтиҳонҳо, шароити барои имтиҳонсупории довталабон фароҳамгардида ва огоҳонидани шахсони масъули дар ин раванд ҷалбшуда оид ба пешгирӣ аз амалҳои номатлуб мебошад.
Директори Маркази миллии тестӣ назди Президенти Ҷумҳурии Тоҷикистон Сабзалӣ Ҷаъфарзода иброз дошт, ки «Марказ барои дар сатҳи зарурӣ ва бо риояи қатъии тартиби муқаррарнамудаи Ҳукумати Ҷумҳурии Тоҷикистон баргузор кардани имтиҳонҳои марказонидаи дохилшавӣ тамоми чораҳои заруриро андешида, шаффофияту адолатро аз муҳимтарин усули кори худ қарор додааст».
«Ҳар як нафари мо масъули амалҳои худ ҳастем, азбаски мо фарде аз ин ҷомеаи фарҳангбунёдем, албатта, ҳар амалу гуфтори мо ба ҷомеа бетаъсир нахоҳад монд. Агар мо, ҳамчун як фарди ҷомеаи фарҳангӣ, рафтору гуфторамонро дар асоси фарҳанги миллиамон ва қонунҳои амалкунандаи Ҷумҳурии Тоҷикистон ба роҳ монем, бе шак, хидмати бебаҳое дар пешрафти кишвару миллатамон кардаем»,- гуфт намояндаи Прокуратураи генералии Ҷумҳурии Тоҷикистон Мубиншех Қурбонзода.
Таъкид карда шуд, ки Ҳукумати Ҷумҳурии Тоҷикистон барои ба таҳсил дар муассисаҳои таълимии таҳсилоти миёна ва олии касбӣ фаро гирифтани ҷавонон ва омода кардани мутахассисон тамоми шароити заруриро фароҳам овардааст. Барои сазовори номи донишҷӯ гардидан, кофист, ки довталаб бартарии худро аз ҷиҳати дониш ва маҳорату малакаи бештар доштан нисбат ба довталабони дигар бо супоридани тест дар имтиҳонҳои марказонидаи дохилшавӣ собит созад.
АКС: Маркази миллии тестии назди Президенти Ҷумҳурии Тоҷикистон
Донишгоҳи техникии Тоҷикистон бо корхонаҳои истеҳсолии Чин Созишномаи ҳамкорӣ ба имзо расонид
ОМОДАГӢ БА СОЛИ НАВИ ХОНИШ. Корхонаҳои дӯзандагии Душанбе хонандагонро бо либоси мактабӣ пурра таъмин месозанд
Дар Душанбе масъалаи таҷҳизонидани муассисаҳои таҳсилоти ибтидоӣ ва миёнаи касбӣ бо техникаву технологияи муосир баррасӣ шуд
ИМТИҲОНҲОИ МАРКАЗОНИДАИ ДОХИЛШАВӢ. Дар мактаби №100-и шаҳри Душанбе масъулин бо рафти баргузории он шинос шуданд
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти байналмилалии Агроаксияи Олмон Ёддошти тафоҳум ба имзо расид
«Стратегияи миллии рушди маорифи Тоҷикистон барои солҳои 2024-2026» муаррифӣ гардид
Хонандагони тоҷик дар Олимпиадаи байналмилалии «JBMO-2024» дар Туркия сазовори 6 ҷои ифтихорӣ гардиданд
Аз Донишгоҳи миллии Тоҷикистон 7 нафар дар озмуни эссеи беҳтарини Туркманистон сазовори ҷойи ифтихорӣ гардиданд
«Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040» таҳия гардид
«TEENEAGLE». Хонандагони тоҷик дар ин олимпиадаи байналмилалӣ соҳиби 41 ҷойи ифтихорӣ гардиданд
Маркази миллии тестӣ: «Даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ оғоз гардид»
Дар Донишгоҳи техникии Тоҷикистон бо намояндагони Пажуҳишгоҳи кореягии тадқиқоти роҳи оҳан вохӯрӣ доир гардид
