Санъат Раҳим: «Дар Вилояти Мухтори Кӯҳистони Бадахшон ва Хатлон ягон ҳодисаи нохуш ба қайд гирифта нашудааст»
ДУШАНБЕ, 23.07.2024. /АМИТ «Ховар»/. Аз ҷониби нозироти Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон дар шаш моҳи соли равон 18 ҳодисаи нохуш ба қайд гирифта шудааст, ки дар натиҷа 14 нафар ҳалок ва 6 нафар ҷароҳатҳои гуногуни ҷисмонӣ бардоштанд. Дар ин хусус имрӯз сардори Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон Санъат Раҳим зимни нишасти матбуотии хадамот ба хабарнигорон хабар дод.
Иттилоъ дода шуд, ки дар Вилояти Мухтори Кӯҳистони Бадахшон ва Хатлон ягон ҳодисаи нохуш ба қайд гирифта нашудааст. Дар вилояти Суғд 10 ҳодисаи нохуш, дар шаҳру ноҳияҳои тобеи ҷумҳурӣ 6 ҳодисаи нохуш ва дар шаҳри Душанбе 2 ҳодисаи нохуш ба қайд гирифта шудааст.
Санъат Раҳим сабабҳои асосии ҳодисаҳои нохуши истеҳсолиро бемасъулиятии муҳандисони техникии корхонаҳо дар ҷойи ҳодиса, беаҳамиятии ҷабрдидагон ҳангоми кор кардан бо иншооти хатарнок, риоя нагардидани қоидаҳои бехатарии саноатӣ дар рафтӣ кор бо иншооти истеҳсолии хатарнок, риоя накардани технологияи коркарди кон ҳамчун надоштани мутахассисони соҳавӣ арзёбӣ намуд.
Гуфта шуд, ки дар ҳамаи ҳодисаҳои нохуш тафтиши техникӣ гузаронида шудааст.
Таъкид гардид, ки бо мақсади пешгирии ҳодисаҳои нохуш ва садамаҳои истеҳсолӣ дар назар аст машваратҳои техникӣ соҳа ба соҳа гузаронида шуда, корҳои фаҳмондадиҳӣ — профилактикӣ дар корхонаҳои зериназоратӣ зиёд карда шавад.
Моҳинави НАВРӮЗ,
АМИТ «Ховар»
АКС: АМИТ «Ховар»
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
