Дар Тоҷикистон беш аз 197 ҳазор хоҷагии деҳқонӣ фаъолият дорад
ДУШАНБЕ, 03.08.2024 /АМИТ «Ховар»/. Дар миқёси ҷумҳурӣ ба ҳолати 1 июли имсол 197 ҳазору 348 хоҷагии деҳқонӣ фаъолият дошта, шумораи саҳмдорони хоҷагиҳои деҳқонӣ 796 ҳазору 94 нафарро ташкил медиҳад. Воҳидҳои сохтории дастгоҳи марказӣ ва кумитаҳои идораи замин дар маҳал вобаста ба истифодаи самараноку мақсадноки замин бо онҳо мунтазам кор бурда, дар доираи Соли маърифати ҳуқуқӣ эълон гардидани соли 2024 вобаста ба ҳуқуқу манфиатҳои саҳмдорон корҳои тарғиботиро идома медиҳанд. Дар ин хусус 29 июл зимни нишасти матбуотӣ Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода иттилоъ дод.
Ориф Хоҷазода гуфт, ки дар шашмоҳаи якуми имсол дар дастгоҳи марказӣ 84 ва дар корхонаву муассисаҳои системаи Кумитаи давлатӣ зиёда аз 2600 муроҷиати шифоҳии шаҳрвандон қабул шуда, тибқи тартиби муқарраршуда баррасӣ гардид. Кумитаи давлатии идораи замин ва геодезӣ ба қабули шаҳрвандон ва баррасии саривақтии муроҷиати онҳо таваҷҷуҳи махсус зоҳир намуда, ҳар ҳафта рӯзҳои чоршанбе ва шанбе аз ҷониби роҳбарият шаҳрвандон қабул гардида, ба ҳалли муроҷиати онҳо мусоидат карда мешавад.
Дар ин давра ҳамзамон дар ҷамоатҳои деҳоти Дар-дар, Айнӣ, Анзоб, Рарз, Шамтуч ва Фондарёи ноҳияи Айнӣ баҳисобгирии давлатии миқдори заминҳо идома ёфт. Дар ин ҷамоатҳо корҳои саҳроӣ пурра ба итмом расида, ҳисоби масоҳати тарҳҳо тибқи нақшаи корӣ давом дорад.
Ҳамчунин корҳои баҳисобгирии давлатии миқдори заминҳои маҳалҳои аҳолинишин дар ноҳияи Панҷ, баҳисобгирии давлатии миқдори заминҳо дар ҷамоатҳои деҳоти Чилгазӣ ва Лакконии шаҳри Исфара, корҳои камералӣ дар ноҳияи Мурғоби Вилояти Мухтори Кӯҳистони Бадахшон, корҳои саҳроӣ дар шаҳри Ҳисор идома доранд. Баҳисобгирии давлатии миқдори заминҳо дар ҳудуди маъмурии ноҳияҳои Хуросон, Шаҳритус, Кушониён ва шаҳри Бохтар пурра ба охир расонида шуда, бо қарорҳои раисони ин шаҳру ноҳияҳо тасдиқ шуданд.
Баҳисобгирии давлатии миқдори заминҳои ноҳияи Ҷайҳун дар мувофиқа бо мақомоти дахлдори ноҳия қарор дорад.
АКС: АМИТ «Ховар»
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
