НИШАСТИ МАТБУОТӢ. Ширкату корхонаҳои ватанӣ дар 14 намоишгоҳи байналмилалии 8 давлати ҷаҳон иштирок намуданд
ДУШАНБЕ, 03.08.2024 /АМИТ Ховар/. Палатаи савдо ва саноати Ҷумҳурии Тоҷикистон дар ҳамкорӣ бо вазорату идораҳои дахлдори мамлакат, сафоратхонаҳои ҷумҳурӣ дар давлатҳои хориҷӣ ва шарикони рушд дар ташкил ва таъмини иштироки ширкату корхонаҳои ватанӣ дар 14 намоишгоҳи байналмилалӣ мусоидат намуд. Дар ин хусус 2 август зимни нишасти матбуотии ин ниҳод иттилоъ дода шуд.
Ширкату корхонаҳои ватанӣ дар 8 давлати дунё, аз ҷумла дар Узбекистон, Эрон, Федератсияи Русия, Туркия, Чин, Олмон, Аморати Муттаҳидаи Араб ва Қатар молу маҳсулоташонро ба тамошо гузоштанд.
Дар давраи ҳисоботӣ Палата дар ҳамкорӣ бо дигар вазорату идораҳо 39 бизнес-форум ва бизнес-миссияҳои доираҳои соҳибкорони ватаниву хориҷӣ ташкил намуд, ки дар доираи он дар умум зиёда аз 150 санади ҳамкории нав байни корхонаҳои ватаниву хориҷӣ ба имзо расонида шуд.
Аз санадҳои баимзорасида зиёда аз 90-тои онҳоро Ёддошти тафоҳум оид ба ҳамкорӣ дар бар гирифта, 20 санад вобаста ба содироти молу маҳсулот аз Ҷумҳурии Тоҷикистон ба кишварҳои хориҷаи дуру наздик ва 40 санади дигар оид ба хариди молу маҳсулот, таҷҳизот аз кишварҳои хориҷӣ барои ворид ба Ҷумҳурии Тоҷикистон мебошад.
Таъкид гардид, ки дар давраи ҳисоботӣ дар давлатҳои хориҷаи дуру наздик намояндагиҳои Палата ба 15 адад расонида шуд, ки он ба рушди робитаҳои мутақобилаи иқтисодӣ ва тиҷоратӣ байни ин давлатҳо ва Ҷумҳурии Тоҷикистон мусоидат менамояд.
Бояд гуфт, ки ба ҳолати 1 июли соли 2024 ба узвияти Палата корхонаю ташкилоти нав ҷалб шуда, шумораи умумии аъзои Палата ба 1007 адад расонида шуд, ки нисбат ба ҳамин давраи соли 2023 102 адад зиёд мебошад.
Шаҳлои САДРИДДИН,
АМИТ «Ховар»
АКС: АМИТ «Ховар»
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
