Имсол маҷмуи умумии маҳсулоти кишоварзии ноҳияи Данғара ба 1,7 миллиард сомонӣ баробар шуд
ДУШАНБЕ, 21.09.2024 /АМИТ «Ховар»/. Дар ҳашт моҳи имсол маҷмуи умумии маҳсулоти кишоварзии ноҳияи Данғара ба 1,7 миллиард сомонӣ баробар шудааст, ки дар миқёси вилояти Хатлон баландтарин нишондиҳанда ба ҳисоб меравад. Дар ин хусус 19 сентябр зимни боздиди Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ аз Хоҷагии деҳқонии «Саодатшо»-и ноҳияи Данғара иттилоъ дода шуд.
Сарвари давлат муҳтарам Эмомалӣ Раҳмон ба натиҷаи дастовардҳои кишоварзони ноҳия баҳои баланд дода, масъулини дахлдори соҳа ва меҳнаткашонро ба истифодаи пурраи имконияти табиӣ, баланд бардоштани нишондодҳои истеҳсолӣ ва захираи маводи ғизоӣ барои ду соли оянда вазифадор намуданд.
Иттилоъ дода шуд, ки имсол кишоварзони ноҳияи Данғара дар майдони 26 886 гектар ғалладона, 1027 гектар картошка, 1617 гектар сабзавот, 1539 гектар полезӣ, 5018 гектар пахта ва дигар намуди зироат кишт намудаанд. Заҳмати пайваста, риояи агротехникаи кишту парвариш ва дар истеҳсолот афзалият додан ба истифодаи технологияи муосир афзоиши нишондиҳандаҳои истеҳсолиро таъмин намудааст.
Инчунин кишоварзони ноҳияи Данғара дар таъмини бозори истеъмолӣ бо маҳсулоти тару тозаи кишоварзӣ, содироти маҳсулот ба дигар давлатҳо ва таъмини амнияти озуқаворӣ саҳми намоён мегузоранд. Аз ноҳияи Данғара ба дигар давлатҳо аллакай ҳазорҳо тонна маҳсулоти тару тозаи кишоварзӣ содирот шудааст.
Соли 2023 маҷмуи умумии маҳсулоти кишоварзии вилояти Хатлон 35,3 миллиард сомониро ташкил намуд, ки 2 миллиарду 550 миллион сомонӣ ё 7,2 фоизи он ба ноҳияи Данғара рост меояд.
АКС: Хадамоти матбуоти Президенти Ҷумҳурии Тоҷикистон
Комиссияи байниидоравӣ оид ба танзими соҳаи зеҳни сунъӣ таъсис дода шуд
Бахшида ба Рӯзи ихтироъкорон ва навоварон ҷаласаи тантанавӣ доир гардид
Дар шаҳри Гулистон вазирони энергетикаи Тоҷикистон ва Узбекистон таҳкими ҳамкории энергетикиро баррасӣ намуданд
Дар Душанбе тақвияти ҳамкорӣ дар самти ҷалби сармоя ва рушди соҳибкорӣ баррасӣ карда шуд
Дар Остона ҷаласаи ғайринавбатии Шурои роҳбарони мақомоти тафтиши молиявии давлатҳои аъзои ИДМ баргузор гардид
Дар Суғд дурнамои ҳамкории корхонаҳои муштаракро баррасӣ намуданд
Дар Хадамоти гумрук муқаррароти Кодекси андоз, рақамикунонии соҳа ва татбиқи хизматрасониҳои давлатӣ баррасӣ карда шуд
Дурнамои ҳамкории Тоҷикистон ва Русия дар самти содирот баррасӣ гардид
Дар Хатлон масъалаи бунёди корхонаҳои саноатӣ бо сармоягузории Покистон баррасӣ гардид
«ОСМОНИ БОЗ». Дар Фурудгоҳи байналмилалии Душанбе 10 таваққуфгоҳ ва хати нави зимомӣ сохта мешавад
Тоҷикистон ва минтақаи Фландрияи Подшоҳии Белгия ҳамкориро дар самти саноати сабук густариш медиҳанд
Ҳайати минтақаи Фландрияи Белгия ба Форуми байналмилалии «Dushanbe Invest 2025» даъват гардид
