Президенти Агентии Корея оид ба ҳамкории байналмилалӣ бо фаъолияти зеристогоҳи барқии 110/20/10 кВ-и «Ромит» шинос шуд

Сентябрь 8, 2024 10:45

ДУШАНБЕ, 08.09.2024. /АМИТ «Ховар»/. 7 сентябр Президенти Агентии Корея оид ба ҳамкории байналмилалӣ (KОИКА) Ҷанг Вон Сам бо фаъолияти зеристогоҳи барқии 110/20/10 кВ-и «Ромит»-и Ҷамоати деҳоти Ромити шаҳри Ваҳдат, ки бо маблағгузории Агентӣ бунёд шудааст, шинос шуд. Дар ин хусус ба АМИТ «Ховар» дар Вазорати энергетика ва захираҳои оби Ҷумҳурии Тоҷикистон хабар доданд.

Ба ҳайати меҳмонон иттилоъ дода шуд, ки зеристгоҳи мазкур 8 октябри соли 2020 бо иштироки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон мавриди истифода қарор гирифт.

Татбиқи лоиҳа имкон фароҳам овард, ки сокинони деҳоти Ромит – деҳаҳои Қоху, Девдара, Новаки Поён, Новаки Боло, Пушандоч, Вистан, Дашти Мазор, Ғусғеф ва Пичеф, дар маҷмуъ 9 деҳа, беш аз 3 100 нафар ба неруи барқ дастрасӣ пайдо намоянд.

Баъд аз шиносоӣ бо фаъолони деҳоти Ромит вохӯрӣ баргузор гардид.

Таъкид гардид, ки ба наздикӣ корҳои сохтмонӣ дар лоиҳаи «Сохтмони шабакаҳои барқӣ дар Ҷамоати деҳоти Ромит» (марҳилаи 2) оғоз мегардад.

Ёдовар мешавем, ки дар асоси ҳамкорӣ бо Агентии Корея оид ба ҳамкории байналмилалӣ 4 августи соли 2023 байни Вазорати энергетика ва захираҳои оби Ҷумҳурии Тоҷикистон ва Агентӣ оид ба татбиқи лоиҳаи «Сохтмони шабакаҳои барқӣ дар ҷамоати деҳоти Ромит» (марҳилаи 2) Протоколи музокирот ба имзо расонида шуд.

Татбиқи лоиҳа, пеш аз ҳама, барои дастрасии 14 деҳа, аз ҷумла, деҳаҳои Лошхарв, Сайёд, Хилмарз, Товиши поён, Лангар, Деҳпир, Сонеҳ, Сорвоғ, Хоҷабӯстон, Варвар, Регак, Хол, Сорбоғи Дарун, Сорбоғи Даҳана бо барқ, инчунин васеъсозии зеристгоҳи барқии 110 кВ-и «Ромит», зеристгоҳи барқии 35 кВ-и «Явроз» ва пайвастсозии зеристгоҳи барқии 35кВ-и «Явроз» бо зеристгоҳи барқии 110 кВ-и «Ромит» тавассути хатти интиқоли барқи 35 кВ пешбинӣ шудааст.

АКС: Вазорати энергетика ва захираҳои оби Ҷумҳурии Тоҷикистон

Сентябрь 8, 2024 10:45

Хабарҳои дигари ин бахш

Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад