«ШУҶОАТ ВА ҶАВОНМАРДӢ». Байни сарбозону афсарони қисмҳои низомии ноҳияи Хуросон чорабиниҳои ватандӯстона доир мешаванд
ДУШАНБЕ, 16.10.2024. /АМИТ «Ховар»/. Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Кумитаи телевизон ва радиои назди Ҳукумати Ҷумҳурии Тоҷикистон ва Вазорати мудофиаи Ҷумҳурии Тоҷикистон бо мақсади баланд бардоштани тарбияи ватандӯстии ҷавонон байни сарбозону афсарони қисмҳои низомии ноҳияи Хуросони вилояти Хатлон барномаи телевизионии «Шуҷоат ва ҷавонмардӣ» сабт карда шуд.
Мақсад аз сабти барнома- таҳкими ҳисси меҳанпарастӣ, ташаккули тафаккури ҷавонон дар роҳи ҳифзи Ватан, шинохти арзишҳои милливу давлатӣ, муқаддасоти миллӣ, эҳтиром ба насли калонсол, садоқат ба Ватан ва хизмати содиқона ба Модар-Ватан мебошад. Таъкид гардид, ки тарбияи ватандӯстӣ омили муҳими рушди давлатдории миллӣ буда, дар натиҷаи он шаҳрвандон миллату давлат ва сарзамини аҷдодиашонро дӯст медоранд. Ҳамчунин фарҳангу таърихи гузаштаи худро ҳимоя намуда, барои рушди давлат содиқона меҳнат мекунанд.
Бо ин мақсад соли 2022 аз ҷониби Президенти Тоҷикистон муҳтарам Эмомалӣ Раҳмон Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» ба имзо расид, ки дар тарбияи ватандӯстонаи шаҳрвандон нақши муассир мегузорад.
Кумитаи кор бо ҷавонон ва варзиш дар татбиқи Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» мақоми ваколатдори давлатӣ муайян гардида, бо мақсади боз ҳам дуруст ва ҳамоҳанг сохтани фаъолияти сохторҳои идеологӣ барои баланд бардоштани тарбияи ватандӯстии шаҳрвандон дар ин самт тадбирҳои мушаххас ва муҳимро рӯйи даст гирифтааст. Баргузории ин чорабиниҳо низ аз қабили онҳо мебошад.
Тибқи нақшаи чорабиниҳои якҷоя, сабти чунин барномаҳои дорои хусусияти ҳарбӣ-ватандӯстона минбаъд низ дар дигар минтақаҳои ҷумҳурӣ дар назар аст.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар истироҳатгоҳи «Зинг»-и ноҳияи Ванҷ таътили тобистонаи хонандагон хотирмон мегузарад
Дар Тоҷикистон озмунҳои ҷумҳуриявии «Беҳтарин ҳамсар» ва «Фарзанд-боғи падару модар» гузаронида мешаванд
То 23 июл дар Тоҷикистон баландшавии ҳарорати ҳаво дар назар аст
Ҳизби Халқии Демократии Тоҷикистон дар рушди иҷтимоию иқтисодии мамлакат нақши калидӣ дорад
Ҳизби Халқии Демократии Тоҷикистон барои пешрафти устувору бомароми мамлакат талош менамояд
Барои кормандони мақомоти молияи шаҳру ноҳияҳои Тоҷикистон машварати омӯзишӣ гузаронида шуд
Институти масъалаҳои об, гидроэнергетика ва экология бо дастгоҳи лаборатории мобилии санҷиш ва таҳқиқи захираҳои об таъмин гардид
Дар Тоҷикистон 30 муассисаи тандурустӣ ба истифода дода шуд
Дар Пекин вазъ ва дурнамои татбиқи санадҳои ҳуқуқии Тоҷикистон ва Чин дар самти мақомоти иҷро баррасӣ гардид
Муовини Сарвазири Тоҷикистон бо сохтмони манзилҳои зист барои оилаҳои аз заминларза зарардидаи ноҳияи Тоҷикобод шинос шуд
Ҳамкории илмию таҳлилии Тоҷикистон ва Олмон густариш меёбад
Шаҳрвандони Тоҷикистон метавонанд дар муассисаҳои таҳсилоти касбии Олмон таҳсил намоянд
