Синамоҷоизаи дуюми миллии «Тоҷи Сомон» ба Рӯзи кинои тоҷик ва 95-солагии коргардони маъруфи тоҷик Тоҳир Собиров бахшида мешавад
ДУШАНБЕ, 15.10.2024. /АМИТ «Ховар»/. Тавре қаблан иттилоъ додем, бахшида ба Рӯзи кинои тоҷик (16 октябр) аз 15 то 18 октябр дар шаҳри Душанбе таҳти шиори «Қадршиносии ҳунари асил» Синамоҷоизаи дуюми миллии «Тоҷи Сомон» баргузор мегардад.
Тавре мухбири АМИТ «Ховар» иттилоъ медиҳад, дар доираи ин синамоҷоиза имрӯз дар Кинотеатри ба номи Тоҳир Собиров Рӯзҳои кинои Ҷумҳурии Исломии Эрон ифтитоҳ гардиданд.
Зимни ифтитоҳи ҳамоиш иброз гардид, ки робитаҳои таърихӣ ва фарҳангии ҳарду давлат барои тавлиди муштараки филмҳо имконият зиёдеро фароҳам овардааст. Баҳри рушди филмҳои муштарак филмноманависон, коргардонҳоро ва масъулини соҳаро зарур аст саҳми назаррас гузоранд.
Сафири Фавқулода ва Мухтори Ҷумҳурии Исломии Эрон дар Ҷумҳурии Тоҷикистон Алиризо Ҳақиқиён иброз дошт, ки Тоҷикистон ба унвони як мамлакати дӯсту бародари ҳамзабон, ҳамфарҳанг ва ҳамнажод дар сиёсати хориҷии Эрон мавқеи хоса дорад. Робитаҳои ду давлат дар ҳама бахшҳо хусусан дар самти театр ва кино, мусиқӣ ва коргардонии кино дарсатҳи хеле хуб қарор дорад.
Дӯстдорони синамои Эрон ин шом филми «Ҳук»-ро тамошо карданд.
Ёдовар мешавем, ки дар доираи Синамоҷоизаи дуюми миллии «Тоҷи Сомон» филмҳои ҳунарӣ, мустанад, бадеии кӯтоҳ ва тасвирии миллӣ намоиш дода мешаванд.
Ҳамчунин дар чаҳорчӯби он филмҳои пурра, кӯтоҳи бадеӣ, мустанад ва тасвирӣ, ки давоми солҳои 2023-2024 рӯйи навор омадаанд, пешниҳоди тамошобинони кинои тоҷик мегарданд.
Дар назар аст, ки иштирокчиёни Синамоҷоиза аз маконҳои таърихӣ ва сайёҳии Ҷумҳурии Тоҷикистон, ба мисли «Осорхонаи миллӣ», «Кохи Наврӯз», дараҳои Ромиту Варзоб ва шаҳрҳои Норак ва Ҳисор дидан намоянд.
Синамоҷоизаи миллии «Тоҷи Сомон» бо мақсади ба таври шоиста муаррифӣ намудани манфиатҳои миллӣ, тарбияи эҳсоси ватандӯстӣ, ифтихор аз миллати созанда, тавсифи табиати зебои диёр, ҷалби сайёҳон, дарёфти истеъдодҳои нодир дар соҳаи синамо дар доираи «Барномаи рушди кинои Ҷумҳурии Тоҷикистон барои солҳои 2023-2027» доир мешавад.
АКС: АМИТ «Ховар»
Мониторинги радиатсионии дараи Уреҷи кӯҳҳои Фон мавриди таҳлил ва омӯзиш қарор дода шуд
Иқтидори сайёҳию рекреатсионии Тоҷикистон дар доираи таҳқиқи арзишманд муаррифӣ гардид
28 нафар зинаи магистратураи Академияи миллии илмҳои Тоҷикистонро бо дипломи аъло хатм намуданд
Дар Академияи миллии илмҳои Тоҷикистон Озмоишгоҳи нави харитасозии радиатсионӣ ифтитоҳ гардид
Маърузаи олими тоҷик доир ба ҳифз ва рушди анъанаҳои миллии фарҳанг ва санъат дар ҷаҳон соҳиби ҷоизаи махсус гардид
Ҳайати мақомоти зиддикоррупсионии Узбекистон бо таъриху фарҳанги миллати тоҷик шинос шуд
Китоби академик Фарҳод Раҳимӣ доир ба ташаббусҳои Президенти Тоҷикистон, пиряхҳо ва иқлим ба нашр расид
Дар Маркази рушди инноватсионии илм ва технологияҳои нав системаи гармидиҳӣ насб мегардад
Ҷаласаи Кумитаи тадорукоти Синамоҷашнвораи дуюми байналмилалии Душанбе «Тоҷи Сомон» баргузор гардид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 332 донишҷӯ хатм намуд
Банаворгирии филми муштараки Тоҷикистону Узбекистон бо номи «Дурахши ахтарон: Ҷомӣ ва Навоӣ» оғоз ёфт
«ПЕШВО, ҲИЗБ, МИЛЛАТ». Бахшида ба 30-солагии таъсиси ҲХДТ андешаҳои шахсиятҳои шинохтаи дунё ба нашр расид
