Бо фаъолияти Донишкадаи Конфутсийи назди Донишгоҳи миллии Тоҷикистон ҳамкорӣ бо Чин рушд меёбад
ДУШАНБЕ, 14.11.2024. /АМИТ «Ховар»/. Дар Чин ҷаласаи 15-уми Шурои роҳбарони Донишкадаи Конфутсийи назди Донишгоҳи миллии Тоҷикистон баргузор гардид, ки дар он намояндагони Донишгоҳи миллии Тоҷикистон, масъулини Донишгоҳи омӯзгории Синзяни Ҷумҳурии Мардумии Чин ва директори Донишкадаи Конфутсийи назди Донишгоҳи миллии Тоҷикистон аз ҷониби Чин Сун Ҷин иштирок намуданд. Дар ин хусус ба АМИТ «Ховар» дар Донишгоҳи миллии Тоҷикистон иттилоъ доданд.
Дар ҷаласа оид ба самтҳои гуногуни ҳамкорӣ табодули афкор доир шуда, фаъолият ва дастовардҳои як соли сипаришудаи Донишкадаи Конфутсийи назди Донишгоҳи миллии Тоҷикистон мавриди баррасӣ қарор гирифт. Зимнан гуфта шуд, ки яке аз самтҳои афзалиятноки фаъолияти Донишкадаи Конфутсий- ин таҳкими ҳамкории таълимӣ ва илмӣ байни Донишгоҳи миллии Тоҷикистон ва Донишгоҳи омӯзгории Синзян мебошад.
Давоми солҳои охир дар заминаи ҳамкории Донишкадаи Конфутсий гурӯҳе аз донишҷӯёни тоҷик ба Донишгоҳи омӯзгории Синзян ва гурӯҳе аз донишҷӯёни чинӣ ба Донишгоҳи миллии Тоҷикистон сафар мекунанд, то дар барномаҳои табодули донишҷӯён иштирок намоянд.
Ҳамкорӣ бо Донишгоҳи омӯзгории Синзян, ки дорои таҷрибаи ғанӣ дар соҳаи омӯзиш ва таҳқиқот мебошад, густариш меёбад.
Дар ҷаласа ҷонибҳо барои ҳамкории минбаъда ва фаъолияти густурдаи Донишкадаи Конфутсийи назди Донишгоҳи миллии Тоҷикистон дар соли оянда таклифу пешниҳодҳои судманд манзур намуданд.
Ёдовар мешавем, ки дар доираи ҳамкорӣ байни Ҷумҳурии Тоҷикистон ва Ҷумҳурии Мардумии Чин соли 2008 дар назди Донишгоҳи миллии Тоҷикистон Донишкадаи таълимию фарҳангии Конфутсий таъсис ёфт, ки ҳамчун пули пайвандгари миллатҳо хизмат мекунад. Тавассути ин Донишкада чандин ҷавонон имкон пайдо намуданд, ки забон, фарҳанг ва анъанаҳои бойи мардуми Тоҷикистон ва Чинро омӯзанд. Имрӯзҳо Донишкадаи Конфутсий дар тақвияти ҳамкории илмӣ, фарҳангӣ ва маърифатӣ байни Тоҷикистон ва Чин нақши калидӣ мебозад. Ин ҳамкорӣ маҳз тавассути лоиҳаҳои муштараки илмӣ, табодули донишҷӯён ва омӯзгорон, инчунин баргузории конфронсҳои илмӣ тақвият меёбад.
АКС: Донишгоҳи миллии Тоҷикистон
Маркази миллии тестӣ: «Бақайдгирии довталабон барои иштирок дар даври сеюми имтиҳонҳои марказонидаи дохилшавӣ оғоз гардид»
Президенти Ҷумҳурии Тоҷикистон Эмомалӣ Раҳмон дар шаҳри Душанбе ҳафт иншооти соҳаи маорифро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шоҳмансури шаҳри Душанбе Муассисаи таҳсилоти миёнаи умумии рақами 20-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар якчанд муассисаи таълимии шаҳри Истаравшан корҳои сохтмонӣ идома доранд
Дар шаҳри Левакант муассисаи давлатии таҳсилоти томактабӣ ба истифода дода шуд
Байни Академияи идоракунии давлатӣ ва Дафтари барномаҳои САҲА нақшаи чорабиниҳои муштарак ба имзо расид
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои муассисаи томактабии «Зирамоҳ»-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии «Орзу»-ро мавриди истифода қарор доданд
«ИСТИҚЛОЛИ ДАВЛАТӢ: СУЛҲУ СУБОТ ВА АМНИЯТИ ҶОМЕА ДАР МЕҲВАРИ АРЗИШҲОИ МИЛЛӢ». Бо чунин унвон ҳамоиш доир гардид
Президенти Ҷумҳурии Тоҷикистон Эмомалӣ Раҳмон дар ноҳияи Данғара муассисаи таҳсилоти миёнаи умумии рақами 95-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии хусусии Cокина ва китобхонаи деҳаи Хуррамзаминро ба истифода доданд
Пешвои миллат Эмомалӣ Раҳмон дар шаҳри Левакант бинои нозироти андоз ва бинои нави иловагии таълимӣ дар назди муассисаи таҳсилоти миёнаи умумии №10-ро ифтитоҳ намуданд
