Дар Бонки миллии Тоҷикистон ҷаласаи Шурои ҳамоҳангсози Стратегияи миллии фарогирии молиявӣ доир гардид
ДУШАНБЕ, 11.11.2024 /АМИТ «Ховар»/. Дар Бонки миллии Тоҷикистон ҷаласаи Шурои ҳамоҳангсози Стратегияи миллии фарогирии молиявии Ҷумҳурии Тоҷикистон баргузор гардид, ки дар он раванди татбиқи нақшаи чорабиниҳои амалисозии стратегия дар соли 2023 ва шашмоҳаи якуми соли 2024 мавриди баррасӣ қарор гирифт. Дар ин хусус АМИТ «Ховар» бо истинод ба Бонки миллӣ хабар медиҳад.
Раиси Шуро, Раиси Бонки миллии Тоҷикистон Фирдавс Толибзода иброз намуд, ки дар замони рушди босуръати технологияҳои инноватсионӣ фарогирии молиявӣ воситаи самараноки беҳтар намудани дастрасӣ ва истифодаи хизматрасонии босифати молиявӣ ба ҳисоб меравад. Он дар таъмини рушди устувори низоми бонкӣ ва бахши молиявӣ, таҳкими бахши хусусӣ, беҳтар намудани фазои соҳибкорӣ, рушди сармояи инсонӣ, ҳифзи иҷтимоӣ ва баланд бардоштани сатҳу сифати зиндагии аҳолӣ дар мамлакат нақши муҳим иҷро менамояд.
Барои васеъ намудани дастрасӣ ба хизматрасонии бонкӣ заминаҳои меъёрии ҳуқуқӣ оид ба васеъ намудани инфрасохтори пешниҳоди хизматрасонии бонкӣ, мушаххаскунии фосилавӣ, ҷорӣ намудани механизми бонкдории кушода тавассути интерфейси кушодаи барномавӣ, таъмини ҳамгироии мутақобили кортҳои пардохтии бонкӣ, ҳамёнҳои электронӣ ва истифодаи QR-рамзи ягона ва ғайра таҳия карда шуд.
Ҳамзамон иттилоъ дода шуд, ки бо мақсади ҳимояи ҳуқуқҳои истеъмолкунандагон механизми баррасии шикоятҳои истеъмолкунандагони хизматрасонии молиявӣ қабул карда шуда, барои таъмини низоми боэътимоди назорати рафтори иштирокдорони бозори хизматрасонии молиявӣ назорати фосилавӣ ва санҷиш дар ҷойҳо (онсайт ва оффсайт) гузаронида мешавад.
АКС: Бонки миллии Ҷумҳурии Тоҷикистон
Кишоварзони Тоҷикистон беш аз 131 ҳазор тонна сабзӣ ҷамъоварӣ карданд
Тоҷикистон ва Фонди Қатар оид ба рушд масъалаи густариши ҳамкориро баррасӣ карданд
Дар шаҳри Вашингтон Бизнес-Конфронси кишварҳои Осиёи Марказӣ ва Иёлоти Муттаҳидаи Амрико дар қолаби С5+1 баргузор гардид
Дар соҳили дарёҳои шаҳри Ваҳдат корҳои соҳилмустаҳкамкунӣ ҷараён доранд
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
ҚУРБИ АСЪОР: 1 доллари ИМА аз 9.2756 то 9.3200 сомонӣ муқаррар шудааст
Дар Вашингтон имкони роҳандозии парвозҳои мустақим байни Тоҷикистон ва ИМА баррасӣ гардид
Дар шаҳри Вашингтон мизи мудаввари сатҳи баланди соҳибкорӣ байни Ҷумҳурии Тоҷикистон ва Иёлоти Муттаҳидаи Амрико баргузор гардид
Дар шаҳри Даҳва ҷалби маблағгузории Қатарӣ барои татбиқи лоиҳаҳои афзалиятноки Тоҷикистон баррасӣ шуд
Дар Кумитаи ҳифзи муҳити зист Рӯзи Конститутсияи Тоҷикистонро бо тантана ҷашн гирифтанд
Кишоварзони вилояти Хатлон нақшаи ҷамъоварии ҳосили пахтаро пурра иҷро намуданд
Дар Хоруғ маркази хизматрасонии Бонки байналмилалии Тоҷикистон ифтитоҳ гардид
