Ҳарифони паҳлавонони тоҷик дар Мусобиқаи Tokyo Grand Slam 2024 оид ба гӯштини ҷудо муайян шуданд
ДУШАНБЕ, 06.12.2024 /АМИТ «Ховар»/. 7-8 декабр дар шаҳри Токио Мусобиқаи байналмилалии Tokyo Grand Slam 2024 оид ба гӯштини ҷудо баргузор мегардад. Дар ин хусус шореҳи варзиши АМИТ «Ховар» бо истинод ба Федератсияи ҷудои Тоҷикистон хабар медиҳад.
Дар ин мусобиқаи сатҳи баланд аз Ҷумҳурии Тоҷикистон чор паҳлавони шинохтаи тоҷик- Обед Ҷебов, Абубакр Шеров, Умедҷон Раҷабов ва Виктория Киселёва иштирок мекунанд.
Обид Ҷебов дар вазни то 66 кг дар даври аввал озод буда, дар даври дуюм бо ғолиби ҷуфти Ванг Йиангфенг аз Чин ва Маттиа Мисели аз Италия вомехӯрад. Абубакр Шеров дар вазни то 73 кг дар даври аввал бо Иоан Житак аз Руминия гӯштин мегирад. Умедҷон Раҷабов дар вазни то 90 кг дар даври аввал бо намояндаи Ҷопон — Ҳидетоши Токумочи қувва месанҷад. Виктория Киселёва дар вазни +78 кг дар даври аввал бо Хинран Нию аз Чин қувваозмоӣ мекунад.
Ин мусобиқа яке аз чорабиниҳои муҳими тақвими байналмилалии ҷудо ба ҳисоб рафта, беҳтарин варзишгарони ҷаҳонро дар бар мегирад. Ҷудочиёни тоҷик, ки таҷрибаи ғанӣ ва маҳорати баланд доранд, барои нишон додани истеъдод ва иродаи қавӣ ба майдони ҷаҳонӣ ҷалб мешаванд.
Хотиррасон менамоем, ки Мусобиқаи байналмилалии Tokyo Grand Slam 2024 оид ба гӯштини ҷудо барои иштирокчиён имкони муҳиме аст, ки холҳои заруриро барои беҳбуди мавқеи худ дар рейтингҳои ҷаҳонӣ ба даст оранд.
Мусобиқаи байналмилалии Tokyo Grand Slam 2024 оид ба гӯштини ҷудо на танҳо майдони рақобат, балки намоиши ҷасорат, санъати ҷудо ва руҳияи қавӣ аст.
АКС аз манбаъҳои боз
Гела Шекиладзе: «Футболбозони тоҷик бо тамоми неру барои бозӣ бо дастаи мунтахаби Филиппин тайёрӣ мебинанд »
ЧЕМПИОНАТИ CAFA U-20. Рақибони дастаи ҷавонони Тоҷикистон (U-18) муайян гардиданд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Филиппин бозӣ мекунад
ҶОМИ ОСИЁ-2027. Дастаи мунтахаби Тоҷикистон оид ба футбол бо тими Филиппин бо либоси сафед бозӣ мекунад
Ду дастаи Тоҷикистон оид ба футбол барои иштирок дар Лигаи дуюми чемпионҳои Осиё-2025/26 иҷозатнома гирифтанд
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
ҶОМИ ОСИЁ-2027. Дастаи мунтахаби Тоҷикистон барои бозӣ бо тими Филиппин вориди шаҳри Капас шуд
Дастаҳои мунтахаби наврасони Тоҷикистон ва Русия ду бозии дӯстона анҷом доданд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Ҳиндустон ва Қирғизистон бозиҳои дӯстона анҷом медиҳад
Дар Истанбул бахшида ба Рӯзи ҷаҳонии футбол барои донишҷӯёни тоҷик мусобиқа доир карда шуд
Дастаи мунтахаби наврасони Тоҷикистон (U-16) дар Ҳисор бо дастаи Русия бозиҳои дӯстона анҷом медиҳад
