Дар Чин оид ба ҳифз, рушд ва истифодаи фарҳанги суннатии Шоҳроҳи абрешим-2024 конфронси байналмилалӣ баргузорр шуд
ДУШАНБЕ, 15.12.2024. /АМИТ «Ховар»/. Дар шаҳри Сиани музофоти Шансии Ҷумҳурии Мардумии Чин таҳти унвони «Роҳи Абрешим-2024: масоили истеҳсолот, маориф, таҳқиқот ва татбиқи он дар соҳаи ҳифз, рушд ва истифодаи фарҳанги суннатии Роҳи Абрешим» конфронси байналмилалӣ баргузор шуд, ки дар он аз Тоҷикистон профессори кафедраи археология, этнография ва диншиносии Донишгоҳи давлатии Хуҷанд ба номи академик Бобоҷон Ғафуров, доктори илмҳои таърих Набиҷон Раҳимов иштирок намуд.
Тавре ба АМИТ «Ховар» дар Донишгоҳи давлатии Хуҷанд иттилоъ доданд, дар доираи конфронс масъалаҳои бостоншиносӣ, омӯзиш ва ҳифзи мероси фарҳангии Роҳи Абрешим бо назардошти дурнамои ҳамкорӣ ва мубодила мавриди баррасӣ қарор гирифтанд.
Конфронс бо ташаббуси Вазорати маорифи Чин ва дастгирии идораҳои илмию фарҳангии ин давлат баргузор гардида, дар олимон ва мутахассисони кишварҳои гуногун, аз ҷумла Осиёи Марказӣ, Шарқи Наздик, Русия, Муғулистон ва теъдоди зиёди олимони Чин маъруза ва табодули афкор намуданд.
Чорабиниҳои илмӣ дар Донишгоҳи Шимолу Ғарбии Чин, ки шарики илмии Донишгоҳи давлатии Хуҷанд мебошад, баргузор гардиданд.
Изҳори боварӣ шуд, ки конфронс дар рушди ҳамкорӣ ва таҳкими омӯзиши мероси фарҳангии Роҳи бузурги Абрешим заминаи муҳим мегузорад.
Ёдовар мешавем, ки Роҳи бузурги Абрешим роҳи ҳамгироӣ, мубодила ва муколамаи Шарқу Ғарб маҳсуб шуда, беш аз ду ҳазор сол дар пешрафт ва шукуфоии тамаддуни башарӣ саҳми арзанда гузоштааст.
Тавассути Роҳи бузурги Абрешим, ки роҳи корвонгузар буда, аз Чин ба воситаи Осиёи Миёна то ба Рум тӯл мекашид, тиҷорат ва робитаҳои мутақобили фарҳангӣ амалӣ мешуданд. Ин аст, ки аҷдодони тоҷикон давоми чандин асрҳо пуштибонони асосии ин роҳ маҳсуб мешуданд.
АКС: Донишгоҳи давлатии Хуҷанд ба номи академик Б.Ғафуров
Бахшида ба Рӯзи Парчами давлатӣ ҳамоиши тантанавии «Ҷавонон-созандагони НБО-и «Роғун»» баргузор гардид
Дар Литсей барои хонандагони болаёқат дар шаҳри Душанбе бахшида ба Рӯзи Парчами давлатӣ ҳамоиш баргузор гардид
Маркази барномаҳои байналмилалии Тоҷикистон ва Донишгоҳи Сент-Ҷорҷи Гренада ҳамкориро густариш медиҳанд
Намояндаи Академияи миллии илмҳои Тоҷикистон дар ҷаласаи Шуро оид ба ҳамкорӣ дар соҳаи илмҳои бунёдӣ дар Москва иштирок намуд
Дар Коллеҷи омӯзгории шаҳри Душанбе Маркази омӯзиши забони олмонӣ таъсис дода мешавад
Дар Донишгоҳи технологии Тоҷикистон бахшида ба Рӯзи Парчами Тоҷикистон конференсияи илмӣ-амалӣ баргузор шуд
Дар Донишгоҳи давлатии Бохтар ба шарафи Рӯзи Парчами давлатии Тоҷикистон ҳамоиш доир шуд
Намояндагони Донишгоҳи давлатии Кӯлоб дар мусобиқаи ҷумҳуриявӣ 4 медали тилло ба даст оварданд
Дар ҶСК «Шабакаҳои тақсимоти барқ» дар шаҳри Душанбе филиали кафедраи электроэнергетикаи Коллеҷи техникӣ таъсис дода шуд
Байни Донишгоҳи байналмилалии забонҳои хориҷии Тоҷикистон ва Донишгоҳи байналмилалии Остонаи Қазоқистон созишнома ба имзо расид
ИМТИЁЗИ БЕШТАР. Ба 434 довталаби Озмуни ҷумҳуриявии «Фурӯғи субҳи доноӣ китоб аст» Сертификат тақдим мегардад
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Айнӣ шумораи муассисаҳои соҳаи маориф меафзояд
