Дар Куала-Лумпур густариши муносибатҳои судманд байни бонкҳои марказии Тоҷикистон ва Малайзия баррасӣ шуд
ДУШАНБЕ, 16.12.2024 /АМИТ «Ховар»/. 13 декабр дар шаҳри Куала-Лумпури Малайзия вохӯрии Раиси Бонки миллии Тоҷикистон Фирдавс Толибзода бо роҳбарияти Маркази автоматикунонидаи коркарди пули нақд дар Бонки марказии Малайзия баргузор гардид. Зимни он ҷонибҳо вобаста ба муҳиммияти табодули таҷриба ва густариши муносибатҳои мутақобили судманд байни бонкҳои марказии ҳарду давлат ибрози андеша намуданд. Дар ин хусус ба АМИТ «Ховар» дар Бонки миллии Тоҷикистон хабар доданд.
Дар мулоқот аз ҷониби Бонки марказии Малайзия оид ба таърих ва имконияти Маркази автоматикунонидаи коркарди пули нақд маълумот дар шакли рӯнамо пешниҳод гардид. Баъдан ҳайати Бонки миллии Тоҷикистон бо раванди кори марказ дар минтақаҳои алоҳида аз наздик шинос карда шуд.
Маркази автоматикунонидаи коркарди пули нақд дар Бонки марказии Малайзия соли 2016 бо иштироки мутахассисони дохилию хориҷӣ сохта шуда, имконияти босуръат ва босифат коркард кардани ҳаҷми зиёди пули нақдро дорад. Иқтидори солонаи марказ тақрибан 3 миллиард банкнота аст. Банкнотаҳои фарсуда, ифлосшуда ва ғайри қобили пардохт тавассути таҷҳизоти муосир муайян ва хориҷ карда шуда, танҳо пулҳои баландсифати коғазӣ баъд аз коркард ба муомилот бармегарданд.
АКС: Бонки миллии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
ҚУРБИ АСЪОР: 1 рубли русӣ аз 0.1190 то 0.1198 сомонӣ муқаррар шудааст
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
