Корхонаи фаръии «Захира дар минтақаи Рашт»»-и Агентии захираҳои моддии давлатӣ зиёда аз 1000 тонна гандум захира намудааст
РАШТ, 08.12.2024 /АМИТ «Ховар»/. Корхонаи истеҳсоли орди Агентии захираҳои моддии давлатии назди Ҳукумати Ҷумҳурии Тоҷикистон дар ноҳияи Рашт имрӯзҳо барои ба танзим даровардани нархи маҳсулоти мавриди ниёзи аввал зиёда аз 1000 тонна гандум захира намудааст. Инчунин ба воситаи мағозаҳои зертобеи он дар ноҳияҳои Рашт 220 тонна орд, дар Ҷамоати деҳоти Сағирдашт 100 тонна, Сангвор- 70 тонна, Лахш- 50 тонна, Нуробод- 40 тонна ва дар Тоҷикобод 50 тонна орди хушсифат захира шудааст. Дар ин хусус ба хабарнигори минтақавии АМИТ «Ховар» Субҳониддини Маҳмуд муовини директори Корхонаи фаръии «Захира дар минтақаи Рашт» Муҷтабо Ҳасанов иттилоъ дод.
Корхона орди навъи якумро бо нархи 210 сомонӣ ва навъи дуюмро бо нархи 180 сомонӣ ба сокинони ин ноҳияҳо пешниҳод намудааст. Корхонаи фаръии «Захира дар минтақаи Рашт» имрӯзҳо дар ин ноҳияҳо 30 тонна шакар, 5000 литр равған, 10 тонна макарон, 3 тонна марҷумак ва 3 тонна биринҷро бо нархҳои дастрас дар мағозаҳо ба фурӯш гузоштааст.
Инчунин 160 тонна сабус барои хӯроки чорво бо нархи нисбат ба бозор арзонтар ба сокинони ин ноҳияҳо пешниҳод шудааст.
Корхонаи истеҳсоли орд дар ноҳияи Рашт соли 2014 аз ҳисоби Агентии захираҳои моддии давлатии назди Ҳукумати Ҷумҳурии Тоҷикистон барои ба танзим даровардани нархи орд ва маҳсулоти аввалин дар бозорҳои минтақаи Рашт таъсис ёфтааст. Он имрӯзҳо барои ба танзим даровардани нархи маҳсулот дар мағозаю бозорҳои минтақа саҳми арзанда мегузорад.
АКС: АМИТ «Ховар»
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбанда пешгӯӣ мешавад
