Муассисаҳои илмӣ-таҳқиқотии Академияи миллии илмҳои Тоҷикистон аз аккредитатсия гузаронида шуданд
ДУШАНБЕ, 19.12.2024 /АМИТ «Ховар»/. Имрӯз дар Академияи миллии илмҳои Тоҷикистон мулоқоти президенти академия Қобилҷон Хушвахтзода бо коршиносони Агентии мустақили аккредитатсия ва рейтинг пас аз таҳлилу баррасии фаъолияти илмии муассисаҳои илмӣ – таҳқиқотии академия баргузор шуд.
Тавре АМИТ «Ховар» бо истинод ба Академияи миллии илмҳо хабар медиҳад, дар мулоқот намояндагони агентӣ натиҷаи таҳлилу баррасии фаъолияти илмии муассисаҳои илмӣ-таҳқиқотии Академияи миллии илмҳои Тоҷикистонро мавриди баррасӣ қарор дода, бо қаноатмандӣ иброз доштанд, ки самтҳои фаъолияти Академияи миллии илмҳои Тоҷикистон ба стандартҳои ҷаҳонӣ мутобиқ мебошанд.
Таъкид гардид, ки аз аккредитатсияи байналмилалӣ гузаронидани муассисаҳои илмӣ-таҳқиқотӣ, ки омода намудани кадрҳои илмиро тавассути барномаҳои таҳсилотӣ дар зинаҳои магистратура ва докторантураи PhD амалӣ менамояд, дар таҷрибаи Агентии мустақили аккредитатсия ва рейтинг камназир аст. Он ба кормандони илмии Академияи миллии илмҳо имконият медиҳад, ки дар оянда ба ҳайси коршинос дар аккредитатсияи муассисаҳои ҷумҳурӣ ва минтақа иштирок карда, ба фаъолияти илмии онҳо баҳо гузоранд.
Қобилҷон Хушвахтзода иброз дошт, ки аккредитатсия роҳи хатмкунандагону унвонҷӯёни муассисаҳои илмии Академияи миллии илмҳои Тоҷикистонро ба хориҷи ҷумҳурӣ кушода, дар қабули муҳаққиқони хориҷӣ ба ҳайси магистрант, докторант, аспирант ва унвонҷӯ дар муассисаҳои илмии Академияи миллии илмҳо қадами устувор аст. Дипломҳои хатм ва дараҷаҳои илмии Академияи миллии илмҳои Тоҷикистон дар давлатҳои эътирофнамудаи Агентии мустақили аккредитатсия ва рейтинг ба расмият шинохтаю эътироф мешаванд, ки ин навгонӣ ва дастоварди хеле муҳим дар самти муаррифии илми ватанӣ мегардад.
Ёдовар мешавем, ки аз 17 то 19 декабр аъзои Комиссияи экспертии Агентии мустақили аккредитатсия ва рейтинг дар муассисаҳои илмӣ-таҳқиқотии Академияи миллии илмҳои Тоҷикистон қарор доштанд. Агентӣ яке аз ташкилоти байналмилалӣ дар самти таъмини сифати таҳсил бо гузаронидани баҳодиҳии мустақили берунаи муассисаҳои илмӣ мебошад.
АКС: Академияи миллии илмҳои Тоҷикистон
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
Форуми ректорони муассисаҳои таҳсилоти олии Тоҷикистон ва Узбекистон баргузор шуд
Имрӯз Форуми сеюми ректорони муассисаҳои таҳсилоти олии Тоҷикистон ва Узбекистон баргузор мегардад
Даври якуми Озмуни ҷумҳуриявии «Шоҳномахонӣ» то 19 март идома меёбад
