Саҳми Президенти Тоҷикистон дар ташаккули илми ватанӣ мавриди таҳлили илмӣ қарор гирифт
ДУШАНБЕ, 16.12.2024. /АМИТ «Ховар»/. 14 декабр дар Донишгоҳи технологии Тоҷикистон аз ҷониби Комиссияи олии аттестатсионии назди Президенти Ҷумҳурии Тоҷикистон ҳамоиши илмӣ таҳти унвони «Саҳми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ташаккули илми ватанӣ, таъмини рушди устувори иқтисоди миллӣ ва амнияти давлатӣ дар шароити ҷаҳонишавӣ» баргузор карда шуд. Дар ин хусус ба АМИТ «Ховар» дар ин донишгоҳ иттилоъ доданд.
Муовини Сарвазири Ҷумҳурии Тоҷикистон Дилрабо Мансурӣ иброз дошт, ки «ҳамоиши имрӯза мавзуи муҳим ба ҳисоб рафта, дар рушди илми ватанӣ, худшиносию худогоҳии миллӣ, пешрафту ободӣ ва шукуфоии Тоҷикистони соҳибистиқлол нақши назаррас мегузорад. Саҳми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ташаккули илми ватанӣ, таъмини рушди устувори иқтисоди миллӣ ва амнияти давлатӣ хеле барҷаста мебошад».
Ректори Донишгоҳи технологии Тоҷикистон Зоир Раҳмонзода гуфт, ки «саҳми Пешвои миллат муҳтарам Эмомалӣ Раҳмон дар барқарор намудани Ҳукумати конститутсионӣ, таъмини сулҳу субот дар мамлакат, рушди тамоми соҳаҳо, аз ҷумла илму маориф беназир аст. Бешак, метавон гуфт, ки тамоми дастовардҳои Тоҷикистони соҳибистиқлол бо ном ва фаъолияти фарзонафарзанди миллати тоҷик муҳтарам Эмомалӣ Раҳмон алоқамандӣ дорад».
Дар ҳамоиш дар мавзуъҳои «Саҳми Пешвои миллат дар ташаккули давлатдории миллӣ ва таъмини амнияти давлатӣ дар шароити ҷаҳонишавӣ», «Татбиқи ҳадафҳои стратегӣ-омили муҳимми рушди босуботи иқтисоди миллӣ», «Аккредитатсияи байналмилалӣ-омили муҳими рушди корҳои илмӣ-таҳқиқотӣ дар муассисаҳои таҳсилоти олии касбӣ» ва дигар мавзуъҳо маърузаҳои илмӣ-таҳлилӣ пешниҳод шуданд.
Дар анҷоми ҳамоиш музокирачиён фикру андеша ва пешниҳодҳояшонро вобаста ба таҳкиму ташаккули илми ватанӣ, таъмини рушди устувори иқтисоди миллӣ ва амнияти давлатӣ баён намуданд.
АКС: Донишгоҳи технологии Тоҷикистон
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
Форуми ректорони муассисаҳои таҳсилоти олии Тоҷикистон ва Узбекистон баргузор шуд
