БАРОИ НАСЛҲОИ ОЯНДА НИҲОЛ ШИНОНЕМ! Солҳои 2025-2027 дар Душанбе 450 ҳазор бех ниҳол шинонида мешавад
ДУШАНБЕ, 24.01.2025 /АМИТ «Ховар»/. Дар доираи «Барномаи давлатии кабудизоркунии Ҷумҳурии Тоҷикистон барои давраи то соли 2040» ва мутобиқ ба нақшаи амали он, ки солҳои 2025-2027-ро дар бар мегирад, дар ҷумҳурӣ 10 миллиону 927 ҳазору 758 бех ниҳол шинонида мешавад.
Тавре ба АМИТ «Ховар» аз Сарраёсати ҳифзи муҳити зист дар шаҳри Душанбе хабар доданд, бо инобати амалишавии ин барнома ва бо мақсади таъмини беҳдошти муҳити зист, истифодаи оқилонаи захираҳои табиат ва дар ин замина коҳиш додани таъсири тағйирёбии иқлим ба муҳит дар ҳудуди шаҳри Душанбе давоми солҳои 2025-2027 шинонидани 450 ҳазор бех ниҳол ба нақша гирифта шудааст.
Дар ҳудуди шаҳраку маҳалла, гулгашту хиёбон ва боғҳои фарҳангу фароғатии ноҳияҳои пойтахт дар мавсими сабзазоркунии имсола ба миқдори 205 902 бех ниҳол, аз ҷумла 71 882 бех сояафкан, 106 796 бех ороишӣ, 27 224 бех мевадиҳанда ва 8 миллиону 586 ҳазору 72 бех гулҳои мавсимӣ ва лола шинонида шуданд. Ҳамзамон 47 874 метри мураббаъ майдон майсазор карда шуд.
Дар доираи дастури Мақомоти иҷроияи ҳокимияти давлатии шаҳри Душанбе барои ба шаҳри «сабз» табдил додани пойтахт тибқи нақшаи тасдиқшуда дар ҳудуди Муассисаи давлатии «Боғи Ғалаба ва нигоҳдории ҷангал»-и шаҳри Душанбе ба миқдори 88 ҳазору 92 бех ниҳолҳои ороишии санавбар, сарвиноз, шулаш (гулафшон) ва қарағоҷ шинонида мешаванд.
Аз ҷониби Кумитаи ҳифзи муҳити зисти назди Ҳукумати Ҷумҳурии Тоҷикистон дар ҳудуди Муассисаи давлатии «Боғи Ғалаба ва нигоҳдории ҷангал»-и шаҳри Душанбе зиёда аз 5 ҳазор бех ниҳолҳои ороишии навъи санавбар шинонида шуданд.
Тавре Президенти Тоҷикистон пайваста таъкид менамоянд, «мо бояд барои наслҳои оянда ниҳол шинонем, боғ бунёд намоем, Ватанамонро пешрафта гардонем ва ба фарзандону набераҳоямон як мулки обод мерос гузорем».
Раванди корҳои ободонию сабзазоркунӣ дар шаҳри Душанбе зери назари мутахассисони соҳа қарор дошта, тибқи пешниҳоди онҳо шинонидани дарахту буттаҳои навъи ҷалғӯза, чинор, санавбар, заранг, булут, арча, сарвиноз, шоҳбулут, сарв, олу, себ ва ёс амалӣ мегардад.
АКС: Сарраёсати ҳифзи муҳити зист дар шаҳри Душанбе
ҲАРАКАТИ ҶУМҲУРИЯВИИ НИҲОЛШИНОНӢ. Дар хоҷагии ниҳолпарварии шаҳри Панҷакент беш аз 57 ҳазор бех ниҳоли мевадиҳанда парвариш мешавад
Дар Ҷамоати деҳоти Гулистони ноҳияи Рӯдакӣ 400 бех дарахти мевадиҳанда шинонида шуд
Дар Суғд бо саҳми аъзои Ҳизби Халқии Демократии Тоҷикистон 2000 бех ниҳоли ҳамешасабз шинонида шуд
«ҶАВОНОН-ҲОМИИ САРСАБЗИИ ТАБИАТИ ТОҶИКИСТОН». Онҳо дар Душанбе 1000 бех ниҳоли сояафкан шинониданд
ҲАРАКАТИ ҶУМҲУРИЯВИИ НИҲОЛШИНОНӢ. Омӯзгорони ноҳияи Мастчоҳ дар шоҳроҳи Душанбе-Чаноқ 2000 бех ниҳолҳои ороишиву сояафкан шинониданд
ДАРАХТ БИНШОН! Имсол дар Хатлон 500 ҳазор бех дарахтони гуногун шинонида мешаванд
Сокинони деҳаи Шингаки шаҳри Панҷакент дар кӯҳдоман боғ бунёд намуданд
ҲАРАКАТИ ҶУМҲУРИЯВИИ НИҲОЛШИНОНӢ. Дарахтони ҳамешасабз бояд то моҳи январ шинонида шаванд
ДАРАХТ БИНШОН! Дар заминҳои таълимӣ-таҷрибавии Академияи миллии илмҳои Тоҷикистон дарахтони мевадиҳандаю ороишӣ шинонида шуданд
ДАРАХТ БИНШОН! Дар ноҳияи Бобоҷон Ғафуров 25 ҳазор бех ниҳоли тут шинонида мешавад
ҲАРАКАТИ ҶУМҲУРИЯВИИ НИҲОЛШИНОНӢ. Дар ноҳияи Бобоҷон Ғафуров токзори нав бунёд мешавад
ҲАРАКАТИ ҶУМҲУРИЯВИИ НИҲОЛШИНОНӢ. «Тоҷикниҳолпарвар» беш аз 2 миллион бех ниҳол барои фурӯш омода намудааст
