Донишҷӯёни тоҷик дар ҳошияи барномаи табодули академӣ ба Донишгоҳи илм ва технологияи Шансии Чин ҷалб гардиданд
ДУШАНБЕ, 26.02.2025 /АМИТ «Ховар»/. Дар доираи Созишномаи ҳамкорӣ байни Донишгоҳи байналмилалии сайёҳӣ ва соҳибкории Тоҷикистон ва Донишгоҳи илм ва технологияи Шансии Ҷумҳурии Мардумии Чин 12 нафар донишҷӯёни тоҷик дар ҳошияи барномаи табодули академӣ ба Донишгоҳи илм ва технологияи Шансии Чин ҷалб гардиданд. Дар ин хусус АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад.
Ҳадафи табодули академии донишҷӯён омӯзиши таҷрибаи пешқадами омодасозии кадрҳои баландихтисос дар ин муассисаи таълимӣ, ҳамзамон баланд бардоштани малака ва салоҳиятнокии касбии донишҷӯён, омӯзиши забони чинӣ ва усулҳои нави таълим мебошад.
Дар доираи барномаи табодули академӣ имконият ва шароити мусоид фароҳам буда, таҳсил ва хобгоҳ барои донишҷӯён ройгон мебошад. Ҳамзамон донишҷӯён ба истифодаи маводи таълимӣ дастрасии ройгон пайдо менамоянд.
Табодули академии донишҷӯёни Донишгоҳи байналмилалии сайёҳӣ ва соҳибкории Тоҷикистон ба муассисаҳои таҳсилоти олии касбии хориҷӣ, аз ҷумла Олмон, Корея, Ҳиндустон, Гурҷистон ва дигар давлатҳо идома дорад. Барои омодасозии онҳо ба барномаҳои табодули академӣ даврҳои ройгони омӯзиши забонҳои хориҷӣ ташкил гардидаанд.
АКС: Донишгоҳи байналмилалии сайёҳӣ ва соҳибкории Тоҷикистон
Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
Вазири маориф ва илм дар ҷаласаи навбатии Шурои директорони Шарикии глобалӣ дар соҳаи маориф иштирок намуд
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
Пагоҳ маросими ҷоизасупории Озмуни ҷумҳуриявии «Фурӯғи субҳи доноӣ китоб аст» баргузор мегардад
INTERNATIONAL JUNIOR SCIENCE OLYMPIAD (IJSO-2025). Хонандаи шаҳри Душанбе дар он соҳиби ҷойи сеюм гардид
«ИЛМ – ФУРӮҒИ МАЪРИФАТ». Ғолибони озмун аз Донишгоҳи техникии Тоҷикистон бо мукофотҳо қадрдонӣ карда шуданд
Ҳамкории Тоҷикистону Туркия дар самти таҳсилоти олӣ тақвият меёбад
Бо донишҷӯёни Донишгоҳи технологии Тоҷикистон барои бо шуғл фаро гирифтани онҳо вохӯрӣ баргузор шуд
«ШОҲНОМА-ГАНҶИНАИ ҲИКМАТУ ХИРАД». Дар ноҳияи Рӯдакӣ маҳфили илмӣ-адабӣ доир шуд
Дар Донишгоҳи байналмилалии забонҳои хориҷии Тоҷикистон рушди омӯзиши забонҳои хориҷӣ баррасӣ гардид
