НИШАСТИ МАТБУОТӢ. Тоҷикистон бо 186 кишвари ҷаҳон равобити дипломатӣ барқарор намудааст
ДУШАНБЕ, 11.02.2025 /АМИТ «Ховар»/. Ҷумҳурии Тоҷикистон бо 186 кишвари ҷаҳон равобити дипломатӣ барқарор намудааст. Дар ин хусус Вазири корҳои хориҷии Ҷумҳурии Тоҷикистон Сиродҷиддин Муҳриддин имрӯз зимни нишасти матбуотӣ изҳор дошт.
Ба маълумоти вазир, раванди густариши равобит бо кишварҳои минтақаи Осиё ва Уқёнуси Ором, аз ҷумла Кореяи Ҷанубӣ, Ҷопон, Малайзия, Индонезия, Тайиланд, Покистон ва Ҳиндустон фаъолона идома дорад.
«Дар баробари ин ҳамкории Тоҷикистон бо кишварҳои Аврупо ва Амрико, аз қабили Иёлоти Муттаҳидаи Амрико, Британияи Кабир, Олмон, Чехия, Сербистон, Маҷористон, Финландия, Италия, Фаронса, Шветсия ва Кипр бахшҳои гуногунро дар бар гирифта, таҳким меёбад», — афзуд Сироҷиддин Муҳриддин.
Сиродҷиддин Муҳриддин иттилоъ дод, ки бо Қатар, Қазоқистон, Озарбойҷон, Австрия, Олмон, Италия, Туркия, Кувайт, Миср ва Хорватия ҳамоишҳои тиҷоратӣ ва сайёҳӣ доир гардида, дар натиҷаи онҳо санадҳо оид ба ҳамкории ширкатҳои ватанию хориҷӣ ба имзо расиданд.
«Ҳамчунин соли 2024 ҷаласаҳои муштараки комиссияҳои иқтисодии байниҳукуматии Тоҷикистон бо Узбакистон, Чин, Туркия, Қазоқистон, Русия, Эрон, Туркманистон, Арабистони Саудӣ, Миср, Покистон ва Озарбойҷон баргузор шуданд. Дар ҷараёни онҳо масъалаҳои ҳамкорӣ дар бахшҳои иқтисоду тиҷорат, саноату нақлиёт, кишоварзӣ, энергетика, гуманитарӣ, инчунин варзишу сайёҳӣ баррасӣ шуданд», — гуфт вазир.
АКС: АМИТ «Ховар»
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
«Барномаи ҳамкорӣ байни вазоратҳои корҳои хориҷии Тоҷикистон ва Туркманистон барои солҳои 2027–2028» ба имзо расид
Президенти Туркманистон бо Вазири корҳои хориҷии Тоҷикистон мулоқот намуд
Дар Теҳрон табодули таҷриба байни мутахассисони соҳаи тибби Тоҷикистон ва Эрон баррасӣ гардид
Сафири Тоҷикистон дар Кувайт бо раиси Гурӯҳи хадамоти ҳавопаймоии «Скай» мулоқот намуд
Дар Душанбе аҳаммияти ҳамкории байналмилалӣ барои таъмини рушди устувор баррасӣ гардид
Намояндаи доимии Тоҷикистон бо мудири кулли Дафтари СММ дар Вена мулоқот намуд
Дар Риёз ҳамкорӣ байни Муассисаи давлатии «Тоҷикфилм» ва Комиссияи синамои Арабистони Саудӣ баррасӣ шуд
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
