Тоҷикистон дар шаҳри Ню-Йорк оид ба пешгирии ифротгароии хушунатомез чорабинии канорӣ доир намуд
ДУШАНБЕ, 13.02.2025 /АМИТ «Ховар»/. 12 феврал дар ҳошияи «Рӯзи байналмилалии пешгирӣ аз ифротгароии хушунатомез ҳамчун омиле, ки ба терроризм мусоидат мекунад» чорабинии канории муштараки Ҷумҳурии Тоҷикистон таҳти унвони «Пешгирии ифротгароии хушунатомез тавассути татбиқи «Стратегияи миллии Тоҷикистон оид ба мубориза бо терроризм ва ифротгароӣ барои солҳои 2021-2025»» баргузор карда шуд.
Тавре АМИТ «Ховар» бо истинод ба Намояндагии доимии Тоҷикистон дар Созмони Милали Муттаҳид хабар медиҳад, зимни ифтитоҳи чорабинӣ муовини якуми Прокурори генералии Ҷумҳурии Тоҷикистон Умед Каримзода, Намояндаи доимии мамлакат дар Созмони Милали Муттаҳид Ҷонибек Ҳикмат, муовини Дабири кулли Созмони Милали Муттаҳид, Роҳбари Дафтари зиддитеррористии Созмони Милали Муттаҳид (UNOCT) Владимир Воронков, роҳбари Маркази минтақавии Созмони Милали Муттаҳид оид ба дипломатияи боздоранда барои Осиёи Марказӣ (UNRCCA) Каха Имнадзе суханронӣ (видеопаём) намуданд.
Инчунин дар қисми дуюм Сардори Маркази ягонаи иттилоотӣ оид ба пешгирии экстремизм, терроризм ва киберҷиноятҳои Прокуратураи генералии Тоҷикистон Манучеҳр Маҳмудзода рӯнаморо вобаста ба ҷараёни татбиқи Стратегияи миллии Тоҷикистон оид ба мубориза бо терроризм ва экстремизм пешниҳод кард. Дар рӯнамоӣ ташаббусҳо, дастовардҳо ва чолишҳо дар талошҳои мамлакат барои мубориза бо ифротгароии хушунатомез ва таъмини сулҳу суботи устувор дарҷ гардиданд.
Намояндагони доимии кишварҳои Осиёи Марказӣ дар Созмони Милали Муттаҳид низ дар ин чорабинӣ оид ба ҳамкории минтақавӣ ва байналмилалӣ дар самти таҳкими сулҳ, мубориза бо терроризм ва пешгирии ифротгароии хушунатомез сухан гуфтанд.
Зимни мубоҳисаҳо аҳаммияти иқдоми дастҷамъона ва дастгирии мутақобили кишварҳо дар ҳалли мушкилоти муштараки амниятӣ, бахусус мушкилоти марбут ба терроризм ва ифротгароӣ таъкид шуд.
Чорабинӣ барои муколама ва табодули таҷрибаи пешқадам заминаи мусоид фароҳам оварда, зимни он саҳм ва пешсафии Тоҷикистон дар мубориза бо ифротгароии хушунатомез ҳам дар сатҳи миллӣ ва ҳам дар сатҳи байналмилалӣ иброз гардид.
АКС: Намояндагии доимии Тоҷикистон дар Созмони Милали Муттаҳид
Байни ҳукуматҳои Тоҷикистон ва Ҷопон доир ба лоиҳаи «JDS» Ёддоштҳои табодулӣ ба имзо расиданд
Дурнамои рушди муносибатҳои минтақаҳои Тоҷикистон ва минтақаи Приморски Русия дар бахшҳои гуногун баррасӣ шуд
Вазири корҳои хориҷии Тоҷикистон бо сафири навтаъйини Ҷумҳурии Мардумии Чин мулоқот намуд
Дар Конфедератсияи Швейтсария имконоту зарфияти сайёҳии Тоҷикистон муаррифӣ гардид
Сафири Тоҷикистон бо ҳамватанони муқими ҳавзаи федералии Шарқи Дури Русия вохӯрӣ намуд
Давлатшоҳ Гулмаҳмадзода ва Сергей Кузнесов дурнамои ҳамкории дуҷонибаро баррасӣ намуданд
Рушди ҳамкории фарҳангии Тоҷикистон ва Эрон баррасӣ шуд
Дурнамои таҳкими ҳамкории гуногунсоҳаи Тоҷикистон ва Узбекистон баррасӣ карда шуд
Ҷалби сармоягузории Швейтсария ба бахшҳои калидии Тоҷикистон баррасӣ карда шуд
Дар Душанбе оид ба омодагӣ ба Форуми сармоягузорӣ дар соҳаи сайёҳӣ брифинг доир шуд
Дурнамои ҳамкории тиҷоратию иқтисодии Тоҷикистон ва Туркия баррасӣ гардид
Дипломатҳои ҷавони Тоҷикистон дониши худро оид ба ҳуқуқи байналмилалии башардӯстӣ такмил доданд
