Аз Тоҷикистон дар «Tbilisi Grand Slam 2025» оид ба гӯштини ҷудо ҳашт варзишгар иштирок менамояд

Март 18, 2025 15:47

ДУШАНБЕ, 18.03.2025 /АМИТ «Ховар»/. Паҳлавонони шинохтаи тоҷик дар мусобиқаи сайри ҷаҳонии ҷудо «Tbilisi Grand Slam 2025», ки 21-23 марти соли 2025  дар пойтахти Гурҷистон — шаҳри Тифлис баргузор мешавад, иштирок менамоянд. Дар ин хусус муовини Раиси Федератсияи ҷудои Тоҷикистон Эргаш Маҳмадбеков ба шореҳи варзиши АМИТ «Ховар»  хабар дод.

Дар мусобиқаи «Tbilisi Grand Slam 2025»  то ҳоло 403 варзишгар (228 мард ва 175 зан) аз 53  давлати  панҷ қораи ҷаҳон номнавис шудаанд.

Ба ҳайати дастаи мунтахаби Тоҷикистон дар мусобиқаи «Tbilisi Grand Slam 2025»   ҳашт варзишгар дохил шудаанд, ки дар байни мардон рақобат менамоянд:

-66 кг – Ёсин Бобокалонов

-66 кг – Магомед Фармонбеков

-73 кг – Муҳаммадшариф Наҷмуддинов

-73 кг – Масъуди Аҳмадзод

-81 кг – Илҳомиддин Ҷабборов

-81 кг – Бахтиёр Бозоров

-90 кг – Шодмон Ризоев

-100 кг — Муҳсин Малаев

Барномаи мусобиқа:

21 март (ҷумъа). Қувваозмоиҳо дар вазнҳои -48 кг, -52 кг, -57 кг  байни   занон; -60 кг, -66 кг байни мардон.

22 март (шанбе). Қувваозмоиҳо дар вазнҳои -63 кг, -70 кг  байни занон; -73 кг, -81 кг байни мардон.

23 март (якшанбе). Қувваозмоиҳо дар вазнҳои -78 кг, +78 кг  байни занон; -90 кг, -100 кг, +100 кг байни мардон.

Ёдовар мешавем, ки маблағи умумии ҷоизаҳои молии мусобиқа 154 ҳазор евроро ташкил медиҳад. Ғолибон дар ҳар вазн (7 вазн  байни мардон ва 7 вазн  байни  занон) бо 5000 евро, барандагони медали нуқра бо 3000 евро ва соҳибони медали биринҷӣ бо 1500 евро мукофотонида хоҳанд шуд. Инчунин варзишгарон дар ин мусобиқаи байналмилалӣ ба ҷуз аз медал соҳиби имтиёзҳо дар феҳристи ҷаҳонӣ мешаванд.

АКС: Федератсияи байналмилалии ҷудо

Март 18, 2025 15:47

Хабарҳои дигари ин бахш

ҶОМИ ОСИЁ-2027. Дастаи мунтахаби Тоҷикистон тими Малдивро мағлуб намуд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Малдив бозӣ мекунад
ҶОМИ ОСИЁ-2027. Дастаи мунтахаби Тоҷикистон барои баргузории бозӣ бо Малдив ба шаҳри Мале рафт
Мусобиқаи байналмилалӣ оид ба камонварӣ ҷамъбаст гардид
Тоҷикистон дар Бозиҳои сеюми кишварҳои аъзои ИДМ соҳиби мақоми ҳафтум гардид
ҶОМИ ОСИЁ-2027. Имрӯз дастаи мунтахаби Тоҷикистон дар даври интихобӣ бо тими Малдив бозӣ мекунад
БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
ҶОМИ ОСИЁ-2027. Бозии Тоҷикистон ва Малдивро гурӯҳи доварон аз Қирғизистон ҳакамӣ мекунад
ФУТБОЛ. Дастаи мунтахаби Тоҷикистон дар Варзишгоҳи марказии Ҳисор бо дастаи Малдив бозӣ мекунад
Муҳиддин Асадуллоев дар Чемпионати ҷаҳон оид ба ҷудо байни ҷавонон дар Перу сазовори медали тилло гардид
Варзишгарони тоҷик дар Бозиҳои сеюми ИДМ дар Озарбойҷон соҳиби 18 медал гардиданд
Дастаи «Соро компания» барандаи чоркаратаи Суперҷоми Тоҷикистон оид ба футзал шуд