Бахшида ба Ҷашни байналмилалии Наврӯз дар Хоруғ озмуни шаҳрии «Дастархонороӣ» баргузор гардид
ДУШАНБЕ, 24.03.2025. /АМИТ «Ховар»/. Ба муносибати Ҷашни байналмилалии Наврӯз дар муассисаҳои таҳсилоти миёнаи умумии шаҳри Хоруғ озмуни шаҳрии «Дастархонороӣ» баргузор гардид, ки мақсад аз он эҳё намудани таомҳои миллӣ, бо истифодаи сарфакории моҳирона оростани дастархон дар хонавода ва ҷашнҳои миллӣ мебошад. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Хоруғ иттилоъ доданд.
Бояд гуфт, ки халқи тоҷик на танҳо дар омодасозии таомҳои миллӣ, балки дар дастархонороӣ низ маҳорати баланд дошта, хони оростаи ҳунармандони он на фақат чорабиниҳои хонаводагӣ, балки ҷашнҳои пуршукўҳи идонаи миллиро низ зебу зиннати хосса мебахшад. Дар озмуни шаҳрии «Дастархонороӣ» дар шаҳри Хоруғ таомҳои хоси минтақаи кӯҳистон, аз қабили боҷ, оши бурида, бат, ҳалвои сафед ва ғайра пешкаши иштирокдорон гардид.
Иброз гардид, ки боҷ яке аз таомҳои хоси наврӯзӣ аст, ки мардуми кӯҳистон онро дар шаби дуюми ҷашни Наврӯз омода мекунанд. Барои омода кардани ин ғизо як қисмати гӯшт бо каллаву поча ва гандуми навъи беҳтаринро ҷудо ва интихоб мекунанд. То ба ҷӯш омадани боҷ аз хона баромадани касе мумкин нест. Ин таомро фақат бонувон мепазанд ва мардонро иҷозат надоранд, ки ба дег наздик шаванд.
Ҳамчунин оши бурида аз таомҳои қадимии мардуми Бадахшон аст, ки истеъмоли онро бештар калонсолон дӯст медоранд. Аслан онро дар чаҳор фасли сол омода кардан мумкин аст, аммо бештар оши буридаро дар фасли баҳор ва тобистон истеъмол мекунанд, чунки дар ин вақт гиёҳҳои табии барои оши бурида зарурӣ бисёр мерӯянд. Ин хӯрок хусусияти шифобахшӣ дорад, ки ба ҷисму рӯҳи инсон қувваю неруи тоза мебахшад.
Бояд гуфт, ки дастархонороӣ ҷузъи муҳими фарҳанги мо буда, чунин озмунҳо барои тавсеаи фарҳанги дастархондорӣ, сарфакоронаву моҳирона оростани хони тоҷикӣ, ба ҳаёти мустақилона омода шудани духтарон мусоидат менамояд. Ҳамзамон истифодаи маҳсулоти хушсифату аз ҷиҳати экологӣ тозаи ватанӣ барои нигаҳдошти саломатии мардум муфид мебошад.
АКС: АМИТ «Ховар»
НАВРӮЗИ ДУШАНБЕ. Дар пойтахти Тоҷикистон барои дар сатҳи баланд пешвоз гирифтани меҳмонон омодагӣ мегиранд
НАВРӮЗ – ОМИЛИ ПОЙДОРИИ ВАҲДАТ. Дар ноҳияи Фирдавсӣ конференсияи ҷумҳуриявӣ доир шуд
«АЗ НАВРӮЗ ТО НАВРӮЗ». Дар Осорхонаи миллии Тоҷикистон намоиши анъанавӣ ифтитоҳ ёфт
Дар Данғара бахшида ба Ҷашни байналмилалии Наврӯз Мусобиқаи гӯштини миллӣ (гӯштингирӣ) доир мешавад
ТОҶИКИСТОН ВАТАНИ НАВРӮЗ АСТ! Суратгузориш аз ҷараёни корҳои омодагӣ ба ин ҷашни ҷаҳонӣ дар пойтахт
Дар ноҳияи Данғара «Шаҳраки наврӯзӣ» ташкил карда шуд
Дар Душанбе чорабинии фарҳангӣ — фароғатии «Dushanbe Navruz Fest» баргузор мешавад
Нақши Маркази байналмилалии Наврӯз барои кишварҳои ҳавзаи фарҳангии Наврӯз чӣ гуна хоҳад буд?
НАВРӮЗ — ҶАШНИ ҶАҲОНӢ. Ҳеҷ монеа ва қуввае онро натавонист аз байн барад
ИМКОНОТИ САЙЁҲӢ ДАР ЗАМИНАИ АРЗИШҲОИ ҶАШНИ БАЙНАЛМИЛАЛИИ НАВРӮЗ. Назаре ба муаррифии маконҳои сайёҳӣ
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мегардад
Дар рӯзҳои ҷашни Наврӯз дар гардиши дараи Алмосӣ барои гӯсфанди зоти ҳисорӣ ва ангури тоифӣ муҷассама гузошта мешавад
