Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
ДУШАНБЕ, 04.04.2025. /АМИТ «Ховар»/. Ҳамаи кишварҳои Осиёи Марказӣ дорои иқтидори бузург барои истифодаи энергияи устувор, аз ҷумла энергияи бод, офтоб, об ва геотермалӣ мебошанд. Дар ин хусус имрӯз Президенти Комиссияи Иттиҳоди Аврупо Урсула фон дер Ляйен зимни суханронӣ дар Форуми сатҳи баланд таҳти унвони «Осиёи Марказӣ пешорӯи мушкилоти ҷаҳонии иқлим: муттаҳидшавӣ барои шукуфоии умумӣ» таъкид намуд.
Дар идома ӯ изҳор дошт, ки маҳз ба ҳамин хотир Иттиҳоди Аврупо ба энергияи тоза дар тамоми минтақа сармоягузорӣ мекунад.
«Масалан бояд аз Неругоҳи азими барқи обии «Роғун» дар Тоҷикистон ва Неругоҳи барқи обии «Камбарота» дар Қирғизистон ёдовар шавем. Онҳо энергияи кофиро на танҳо барои кишварҳои худ тавлид менамоянд, балки энергияи онҳо ба содирот дар тамоми Осиёи Марказӣ низ равона мегарда», — ёдовар шуд Президенти Комиссияи Иттиҳоди Аврупо.
Урсула фон дер Ляйен тазаккур дод, ки неругоҳҳо саноатҳои нави стратегиро, аз ҷумла дар бахши коркарди ашёи хом бо энергия таъмин хоҳанд намуд.
«Неругоҳҳо барои таъмини неруи барқ барои долонҳои нақлиётии мо, ки онҳоро имрӯз муҳокима кардем, мусоидат менамоянд, — гуфт ӯ. — Онҳо барои истеҳсоли гидрогени тоза, ки метавонад ба хориҷа содирот карда шавад, кумак хоҳанд намуд».
Президенти Комиссияи Иттиҳоди Аврупо таъкид намуд, ки ин лоиҳаҳо ба ҳамагон манфиатовар хоҳанд буд.
«Онҳо истиқлолияти энергетикии моро таъмин намуда, робитаҳои тиҷоратиро беҳтар мекунанд ва барои тамоми сайёраи мо ҷиҳати ҳифзи иқлим ва табиати он судовар хоҳанд буд», — гуфт дар фарҷом Урсула фон дер Ляйен.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
КОНСТИТУТСИЯ—ШОҲСУТУНИ ДАВЛАТ. Иқтибосҳо аз суханрониҳои Президенти Тоҷикистон
Корҳои омодагӣ ба ҷашни 40-солагии Истиқлолияти давлатии Ҷумҳурии Тоҷикистон оғоз гардиданд
Моҳи майи соли 2027 Душанбе мизбони Конфронси байналмилалии сатҳи баланд бахшида ба оғози Даҳсолаи байналмилалии таҳкими сулҳ мегардад
МЕҲРГОН-ҶАШНИ БАРАКАТУ ФАРОВОНӢ ВА МЕҲРУБОНӢ. Иқтибосҳо аз суханрониҳои Президенти Тоҷикистон
Кормандони Бонки миллии Тоҷикистон бо ҷараёни сохтмони Неругоҳи барқи обии «Роғун» шинос шуданд
35 СОЛИ ИСТИҚЛОЛ — 35 СОЛИ ШУКУФОӢ БО НЕРУГОҲИ БАРҚИ ОБИИ «РОҒУН». Таҳти чунин унвон чорабинии тантанавӣ баргузор гардид
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
Ба ифтихори 35-солагии Истиқлоли давлатӣ сохтмончиёни НБО-и «Роғун» бо мукофотҳои давлатӣ сарфароз гардонида шуданд
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
