Дар Тоҷикистон Рӯзҳои фарҳанги Озарбойҷон доир мешаванд
ДУШАНБЕ, 13.05.2025. /АМИТ «Ховар»/. Аз 19 то 23 май дар Тоҷикистон Рӯзҳои фарҳанги Озарбойҷон доир мешаванд. Дар ин хусус ба АМИТ «Ховар» аз Вазорати фарҳанги Ҷумҳурии Тоҷикистон иттилоъ доданд.
Дар назар аст, ки дар доираи баргузории рӯзҳо барномаи консертӣ ва ҳунарҳои мардуми Озарбойҷон пешниҳод гарданд.
Баргузории рӯзҳои фарҳангӣ барои ҳамаи дӯстдорони санъат воқеаи муҳим ва таърихӣ аст. Зеро рӯзҳои фарҳангӣ робитаи ду давлатро боз ҳам мустаҳкам менамоянд.
Тавре Вазорати корҳои хориҷии Ҷумҳурии Тоҷикистон иттилоъ медиҳад, ҳамкории илмию фарҳангии ду давлат яке аз саҳифаҳои дурахшони равобити Тоҷикистон ва Озарбойҷон маҳсуб мешавад. Зеро табодули таҷрибаи донишмандон, устодон, донишҷӯён, амалӣ сохтани барномаҳои фарҳангию мусиқӣ ва иштироки аҳли илму фарҳанг дар маросими фарҳангӣ афзалияти асосии ин муносибатҳо мебошанд.
Қаробати жанрҳои мусиқии классикии Шашмақоми тоҷикӣ ва Мақоми озарӣ, инчунин ҳамнавоии Фалаки тоҷикӣ ва Ошиқи озарӣ заминаи хуб барои чунин ҳамкорӣ мебошад. Баргузории ҳамоишҳои фарҳангӣ, аз қабили рӯзҳо ва ҳафтаҳои фарҳангӣ, намоишгоҳҳо ва ҷашнвораҳои филм дар таҳкими равобити фарҳангӣ саҳми назаррас мегузоранд.
Ёдовар мешавем, ки аз 20 то 24 майи соли 2024 дар шаҳрҳои Боку ва Ганҷаи Ҷумҳурии Озарбойҷон Рӯзҳои фарҳанги Ҷумҳурии Тоҷикистон баргузор гардид. Дар доираи он барномаи консертӣ, намоиши либосҳои миллӣ, ҳунарҳои мардумӣ, санъати тасвирӣ ва намоиши аксҳои манзараҳои зебои Тоҷикистон доир шуд.
АКС: АМИТ «Ховар»
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
