Форуми сармоягузорию соҳибкории Тоҷикистон ва Эрон баргузор гардид
ДУШАНБЕ, 05.05.2025 /АМИТ «Ховар»/. Имрӯз дар шаҳри Шероз дар ҳошияи ҷаласаи 17-уми Комиссияи муштараки байниҳукуматии Тоҷикистон ва Эрон бо иштироки намояндагони вазорату идораҳои ҳарду давлат ва намояндагони бахши хусусии Тоҷикистону Эрон Форуми сармоягузорию соҳибкории Тоҷикистону Эрон баргузор карда шуд. Дар ин хусус ба АМИТ «Ховар» аз Кумитаи давлатии сармоягузорӣ ва идораи амволи давлатӣ хабар доданд.
Дар форум муовини якуми Раиси Кумитаи давлатии сармоягузорӣ ва идораи амволи давлатӣ Фаррух Юсуфзода ва Устондори устони Форси Ҷумҳурии Исломии Эрон вобаста ба вазъи кунунӣ ва дурнамои густариши ҳамкории иқтисодию сармоягузорӣ байни Тоҷикистон ва Эрон сухан гуфтанд.
Фаррух Юсуфзода имконоти сармоягузории мамлакатро муаррифӣ намуда, иброз дошт, ки Ҳукумати Ҷумҳурии Тоҷикистон зери сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон мунтазам барои беҳтар намудани фазои сармоягузорӣ, рушди бахши хусусӣ ва дастгирии соҳибкорӣ ислоҳоти зарурӣ амалӣ менамояд.
Ислоҳоти амалишуда барои соҳибкорону сармоягузорон имтиёзу сабукиҳои андозию гумрукӣ, кафолатҳои қонунӣ ва бартарияти соҳавӣ пешбинӣ менамояд.
Дар ин робита аз соҳибкорону сармоягузорони эронӣ даъват гардид, ки ба соҳаҳои гуногуни иқтисоди Тоҷикистон сармоягузорӣ намуда, аз ин имтиёзҳо баҳравар гарданд ва дар густариши ҳамкорӣ саҳм гузоранд.
Бояд ёдовар шуд, ки ҳоло дар Тоҷикистон 160 ширкат бо сармояи эронӣ фаъолият дорад. Соли 2024 ҳаҷми интиқоли молу коло нисбат ба ду соли пеш 3,2 баробар афзоиш ёфт.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
«Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2026-2030» амалӣ мешавад
Моҳи май дар шаҳри Бохтар Форуми сайёҳии «Хатлон – 2026» баргузор мешавад
Ҷаласаи гурӯҳи кории Шурои роҳбарони Палатаи савдо ва саноати Иттиҳоди Давлатҳои Мустақил доир гардид
Тоҷикистон ва Миср ҳамкориро дар соҳаҳои дорусозӣ, нассоҷӣ ва мошинсозӣ густариш медиҳанд
Тавсеаи ҳамкории дуҷонибаи сармоягузорӣ ва тиҷоратӣ байни Тоҷикистон ва Миср баррасӣ гардид
Ҳайати Тоҷикистон дар Лондон бо намояндагони ниҳодҳои бонуфузи байналмилалии молиявӣ вохӯрӣ намуд
Муовини Сарвазири Тоҷикистон бо вазъи соҳаи кишоварзӣ дар Ҳисор, Турсунзода ва Шаҳринав шинос шуд
Ҷаласаи нахустини Комиссияи давлатӣ оид ба радиобасомадҳои Ҷумҳурии Тоҷикистон доир шуд
Ҷаласаи Кумитаи муштараки роҳбарикунандаи Ҳукумати Тоҷикистон ва Созмони Милали Муттаҳид доир шуд
Нишасти Кумитаи пайгирии иҷрои Протоколи Комиссияи муштараки Тоҷикистону Эрон баргузор гардид
Дар Минтақаи озоди иқтисодии «Кӯлоб» Маркази логистикӣ таъсис дода мешавад
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
