НАХУСТИН МАРОТИБА ДАР ОСИЁИ МАРКАЗӢ. Дар Тоҷикистон Сурдоолимпиадаи фаннӣ оғоз гардид
ДУШАНБЕ, 02.05.2025. /АМИТ «Ховар»/. Имрӯз дар Муассисаи давлатии таълимии «Литсейи президентӣ барои хонандагони болаёқати Тоҷикистон» даври ҷумҳуриявии нахустин Сурдоолимпиадаи фаннӣ оғоз гардид. Дар ин хусус ба АМИТ «Ховар» аз Маркази ҷумҳуриявии дарёфт ва рушди истеъдодҳо хабар доданд.
Ҳадаф аз баргузории Сурдоолимпиадаи фаннӣ, пеш аз ҳама, муҳайё намудани шароити мусоид барои дарёфт ва рушди хонандагони боистеъдод аз байни хонандагони дорои имконияти маҳдуд, таъмини баробарӣ, дастрасии имконият ва таҳкими донишҳои фаннии хонандагони маъюб мебошад. Ташкили чунин олимпиада на танҳо қадами муҳим дар роҳи рушди фарогири соҳаи маориф, балки эҳтиром ба арзишҳои инсондӯстӣ, баробарҳуқуқӣ ва фароҳам овардани имконоти нав барои хонандагон мебошад.
Сурдоолимпиадаи фаннӣ таҷрибаи нав дар соҳаи маорифи мамлакат ва дар маҷмуъ Осиёи Марказӣ буда, бо ташаббуси Маркази ҷумҳуриявии дарёфт ва рушди истеъдодҳои Вазорати маориф ва илм дар партави дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ва ҳамдастии шарикон баргузор карда мешавад.
Сурдоолимпиадаи фаннӣ аз ду давр – дохилимуассисавӣ ва ҷумҳуриявӣ иборат аст. Дар даври ҷумҳуриявии он 184 хонанда аз рӯйи 5 фанни таълимӣ аз 7 муассисаи давлатии таълимии навъи мактаб-интернатҳо барои кӯдакони дорои имконияти маҳдуд (ношунаво, лол ва шунавоияшон суст) иштирок намуда, дониш меозмоянд.
АКС: Маркази ҷумҳуриявии дарёфт ва рушди истеъдодҳо
«Гимназияи ба номи Ҷалол Икромӣ»-и ноҳияи Ховалинг барои 456 хонанда дар як баст пешбинӣ шудааст
«ШОҲНОМАХОНӢ». Дар Кӯлоб барои баргузории озмуни ҷумҳуриявӣ ҳамоиш доир гардид
Доир ба Истиқлолияти давлатӣ ва рушди саноати миллӣ конференсияи ҷумҳуриявӣ баргузор шуд
Истиқлолият ва таҳкими пояҳои давлатдорӣ дар партави рушди маориф
САМАРАИ ИСТИҚЛОЛИЯТ. Дар Тоҷикистон шумораи мактабҳои шакли нав бештар гардидааст
Дар давраи соҳибистиқлолии Тоҷикистон фанҳои табиию риёзӣ бештар рушд намуданд
МАОРИФ ВА ИСТИҚЛОЛИ ДАВЛАТӢ. Музди меҳнати кормандони ин соҳа давра ба давра беш аз 20 баробар зиёд карда шуд
МАОРИФ — ЗАМИНАИ УСТУВОРИ РУШДИ ВАҲДАТУ ИСТИҚЛОЛИЯТ. Дар ҳошияи суханронии Президенти Тоҷикистон дар Рӯзи дониш
ШУКУҲИ ИСТИҚЛОЛ. Таҳти ин унвон дар Донишгоҳи давлатии Бохтар ҳамоиш доир гардид
Дар шаҳри Турсунзода ба муносибати 34-солагии Истиқлоли давлатӣ ҷамъомади тантанавӣ баргузор гардид
«МАН — НАСЛИ ИСТИҚЛОЛ». Стипендияи байналмилалии Президенти Ҷумҳурии Тоҷикистон «Дурахшандагон» имкони беҳтарин барои таҳсил аст
Китоби «Тоҷикон» ба забони туркӣ рӯнамоӣ гардид
