Тоҷикистон ва Созмони ҳамкории иқтисодӣ ва рушд дар бахши инфрасохтори роҳ ҳамкории минтақавиро густариш медиҳанд
ДУШАНБЕ, 20.06.2025 /АМИТ «Ховар»/. 18 июни соли равон мулоқоти муовини якуми Вазири рушди иқтисод ва савдо Ашурбой Солеҳзода бо роҳбари Бахши Авруосиёии Созмони ҳамкории иқтисодӣ ва рушд (СҲИР) Уилям Томпсон ва ҳайати ҳамроҳони ӯ дар шаҳри Душанбе баргузор шуд. Дар мулоқот ҷонибҳо густариши ҳамкории минтақавӣ дар бахши инфрасохтори роҳро мавриди баррасӣ қарор доданд.
Тавре ба АМИТ «Ховар» аз Вазорати рушди иқтисод ва савдо хабар доданд, мақсади сафар ва мулоқоти намояндагони СҲИР таҳкими ҳамкорӣ дар доираи ташаббуси «Долони нақлиётии Транскаспий» ва баррасии имкониятҳои рушди ҳамгироии иқтисодӣ ва логистикӣ дар минтақаи Осиёи Марказӣ мебошад.
Ашурбой Солеҳзода иброз намуд, ки бо шарофати сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон ҷиҳати бунёду навсозии роҳҳои байналмилалӣ ва табдили долонҳои нақлиётӣ ба долонҳои иқтисодӣ ва бо ин роҳ мубаддал гардонидани Тоҷикистон ба кишвари транзитӣ корҳои назаррас анҷом дода шудаанд. Дар ин самт ҳамкорӣ бо шарикони рушд ва кишварҳои шарики Тоҷикистон сифатан баланд бардошта шуда истодаанд.
Дар ҷараёни мулоқот ҷонибҳо масъалаҳои марбут ба густариши ҳамкории минтақавӣ дар бахшҳои инфрасохтори роҳ, соддагардонии расмиёти савдо, бунёди марказҳои логистикӣ ва гузариш ба иқтисоди сабзу рақамиро муҳокима намуданд.
Иброз гардид, ки барои кишварҳои ба баҳр баромад надошта, мисли Тоҷикистон, таъмини дастрасӣ ба бозорҳои байналмилалӣ тавассути рушди долонҳои гуногунсамт ва устувор аҳамияти муҳим дорад. Дар ин замина, Долони нақлиётии Транскаспий ва дигар долонҳои бунёдшудаистода метавонанд нақши калидӣ дар тавсеаи имкониятҳои содиротӣ, ҷалби сармоягузорӣ ва тақвияти ҳамкориҳои минтақавӣ дошта бошанд.
Ҳамзамон дар рафти мулоқот ба масъалаҳои баланд бардоштани ҳамгироии рақамӣ, ҳамоҳангсозии платформаҳои электронии гумрукӣ ва татбиқи инфрасохтори мутобиқшаванда ба тағйирёбии иқлим таваҷҷуҳи махсус зоҳир гардид.
АКС: Вазорати рушди иқтисод ва савдои Ҷумҳурии Тоҷикистон
Ҳаҷми истеҳсоли маҳсулоти кишоварзӣ дар Тоҷикистон беш аз 23 миллиард сомониро ташкил дод
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
Вохӯрии маҷозии Шурои тиҷоратии Тоҷикистону Амрико дар мавзуи технологияҳои рақамӣ баргузор гардид
Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
