НИШАСТИ МАТБУОТӢ. 27 муассисаи таълимӣ барои ба талабот мутобиқат накардан танҳо ба муҳлати ду сол аз аттестатсия гузашта ҳисобида шуд
ДУШАНБЕ, 31.07.2025. /АМИТ «Ховар»/. Тавре аз таҳлили натиҷаҳои аттестатсияи давлатии муассисаи таълимӣ бармеояд, дар шашмоҳаи якуми соли 2025 аз шумораи умумии 499 муассисаи таълимие, ки аз аттестатсияи давлатӣ гузаронида шуданд, 27 муассиса бинобар сабаби ба талаботи меъёрӣ мутобиқат накардан ба муҳлати ду сол аз аттестатсия гузашта ҳисобида шуд, ки нисбат ба ҳамин давраи соли 2024 16 муассиса кам мебошад. Дар ин хусус имрӯз зимни нишасти матбуотӣ директори Агентии назорат дар соҳаи маориф ва илми назди Президенти Ҷумҳурии Тоҷикистон Маҳмадтоир Саидзода ба хабарнигорон иттилоъ дод.
Ба андешаи директори агентӣ, сабабу омилҳои аз аттестатсияи давлатӣ шартан гузаштани муассисаҳои таълимӣ надоштани Сертификати ҳуқуқи истифодаи замин, шиносномаи техникӣ, ба меъёрҳои муайянкунандаи мақоми муассисаҳои таҳсилоти умумӣ мувофиқат накардани таъминоти кадрӣ (норасоии мураббиҳо, омӯзгорони соҳибтахассус – бо таҳсилоти миёнаи касбӣ, ғайриихтисоси омӯзгорӣ ва ғайриихтисоси фаннӣ фаъолият намудани омӯзгорон) ва ба талаботи замимаи иҷозатнома мувофиқат накардани шумораи тарбиягирандагон ва таълимгирандагон дар муассисаҳо мебошад.
«Омили дигар- ин норасоии масоҳати таълимӣ (норасоии ҷойи хоб, мавҷуд набудани толори хӯрокхӯрӣ, мусиқӣ, айвончаҳои болопӯшида барои бозии кӯдакон, нуқтаҳои хизматрасонии тиббӣ – дар муассисаҳои таҳсилоти томактабӣ ва мавҷуд набудани толори фарҳангӣ, толор ва майдончаҳои варзишӣ, нуқтаҳои хизматрасонии тиббӣ дар муассисаҳои таҳсилоти умумӣ) мебошад», — афзуд Маҳмадтоир Саидзода.
Иброз гардид, ки мушкили дигар- ин дар сатҳи зарурӣ қарор надоштани пояи моддию техникӣ (мавҷуд набудани кабинетҳои фаннӣ ва озмоишгоҳҳои муҷаҳҳази таълимӣ, кабинетҳои технологияи иттилоотӣ ва кабинетҳои технологияи меҳнат (алоҳида барои писарон ва алоҳида барои духтарон), норасоии китобҳои дарсӣ ва мавҷуд набудани китобхона, қироатхона ва мавҷуд набудан ё дар ҳолати ногувор қарор доштани боғу дарахтони ҳамешасабзу ҳосилдиҳанда дар саҳну ҳавлии муассисаҳо ва дигар камбудиҳо мебошад.
Зарангези ЛАТИФ,
АМИТ «Ховар»
АКС: АМИТ «Ховар»
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
