НИШАСТИ МАТБУОТӢ. Палатаи савдо ва саноат иштироки соҳибкоронро дар 12 намоишгоҳи байналмилалӣ таъмин намуд
ДУШАНБЕ, 31.07.2025. /АМИТ «Ховар»/. Палатаи савдо ва саноати Ҷумҳурии Тоҷикистон барои иштироки аъзояш ва соҳибкорони ватанӣ дар кори 16 намоишгоҳи дохилӣ ва хориҷӣ ҷиҳати муаррифии молу маҳсулоти истеҳсолкунандагони ватанӣ мусоидат намуд. Дар ин хусус имрӯз зимни нишасти матбуотӣ иҷрокунандаи вазифаи Раиси Палатаи савдо ва саноати Ҷумҳурии Тоҷикистон Ҳайдар Раҷабов иттилоъ дод.
Иброз гардид, ки Палатаи савдо ва саноат дар 12 намоишгоҳи байналмилалие, ки дар хориҷи мамлакат баргузор шуданд, молу маҳсулоти истеҳсолкунандагони ватаниро муаррифӣ намуд.
Тавре Ҳайдар Раҷабов баён дошт, дар шашмоҳаи якуми соли равон дар 15 давлати хориҷии дуру наздик намояндагиҳои Палата ба 17 адад расонида шуд. Ин намояндагиҳо ба рушди робитаҳои мутақобили иқтисодӣ ва тиҷоратӣ байни ин давлатҳо ва Ҷумҳурии Тоҷикистон мусоидат менамоянд.
Иттилоъ дода шуд, ки Палатаи марказӣ ва палатаҳои минтақавӣ бо мақсади густариш додани ҳамкорӣ бо кишварҳои хориҷӣ ва танзими ҳуқуқии ҳамкории байнипалатавӣ дар умум 27 санади ҳамкорӣ бо палатаҳои савдо ва саноати кишварҳои хориҷӣ ва ширкату ташкилоти байналмилалӣ ба имзо расониданд.
Иброз гардид, ки дар давраи ҳисоботӣ ба узвияти Палата корхонаю ташкилоти нав ҷалб карда шуда, шумораи умумии аъзои Палата ба 1162 нафар расонида шуд. Ин нисбат ба ҳамин давраи соли 2024 зиёд мебошад.
Шаҳлои САДРИДДИН,
АМИТ «Ховар»
АКС: АМИТ «Ховар»
Оид ба масъалаҳои идоракунии молияи давлатӣ ҷаласа доир гардид
Дар Душанбе таҳти раёсати ҷониби Тоҷикистон ҷаласаи 48-уми Шурои авиатсия ва истифодаи фазои ҳавоии ИДМ баргузор гардид
Хизматрасониҳои нави электронии андоз ҷорӣ карда шуданд
«ХАТЛОН — САРЗАМИНИ ТАМАДДУНҲО ВА САЁҲАТ». Дар ноҳияи Муъминобод Форум ва намоиши байналмилалии сайёҳӣ доир мегардад
Дар Душанбе ҷаласаи ҷашнии Шурои нозирони Созмони ҳамкории роҳҳои оҳан баргузор мешавад
Азнавбарқароркунии мусофирбарӣ тавассути роҳи оҳан дар хатсайри «Душанбе — Москва» баррасӣ карда шуд
Муовини Сарвазири Тоҷикистон дар ноҳияҳои Хатлон бо корҳои саҳроӣ шинос шуд
Дар Тоҷикистон ҷамъоварии пиёзи барвақтӣ оғоз гардид
Дар Зафаробод дар беш аз 14 ҳазор гектар пунбадона кишт карда мешавад
«Маркази рақамикунонии соҳаи нақлиёт» соҳиби мақоми резиденти IT-Park Dushanbe шуд
Дар Душанбе савдои фаромарзии бекоғаз ва экосистемаи рақамии тиҷорати электронӣ баррасӣ гардид
Ҷаласаи нахустини гурӯҳи кории Тоҷикистону Русия оид ба ҳамкорӣ дар соҳаи рақамикунонӣ ва технологияҳои иттилоотӣ баргузор гардид
