«ТОҶИ СОМОН». Дар ин синамоҷашнвораи байналмилалӣ синамогарон аз 20 давлат иштирок менамоянд
ДУШАНБЕ, 28.07.2025 /АМИТ «Ховар»/. Имсол дар дуюмин Синамоҷашнвораи байналмилалии Душанбе — «Тоҷи Сомон» синамогарон аз 20 давлати ҷаҳон иштирок менамоянд, ки ин барои рушди кинои тоҷик қадами муҳиму устувор дар ҷалби таваҷҷуҳи байналмилалӣ ба синамои миллӣ ба ҳисоб меравад. Дар ин хусус имрӯз зимни нишасти матбуотӣ директори Муассисаи давлатии «Тоҷикфилм» Маҳмадсаид Шоҳиён ба хабарнигорон иттилоъ дод.
Зимни нишаст таъкид гардид, ки дар доираи дуюмин Синамоҷашнвораи байналмилалии Душанбе баргузории Рӯзҳои кинои Русия, Эрон, Ҳиндустон, Қирғизистон ва Туркманистон дар Тоҷикистон ба нақша гирифта шудааст. Инчунин ҷаласаи Шурои директорони киностудияҳо, рӯнамоии лоиҳаҳои синамоӣ-филмҳои тасвирӣ, ҳунарӣ ва мустанад, ҳамоиш бо иштироки намояндагони маъруфи кинои давлатҳои хориҷи дуру наздик, дарси «Устод ва шогирд» ва Форуми байналмилалии синамоӣ бахшида ба 60-солагии коргадони машҳури тоҷик, барандани Ҷоизаи давлатии Тоҷикистон ба номи Рӯдакӣ Бахтиёр Худойназаров пешбинӣ гардидааст.
Вобаста ба интихоби филмҳо барои Синамоҷашнвора иброз гардид, ки дар ҷашнвора асосан филмҳои бадеӣ ва кӯтоҳ пешниҳод мешаванд. Интихоб ва пешниҳоди онҳо аз ҷониби ҳайати ҳакамони байналмилалӣ тибқи низомнома анҷом дода мешавад. Айни ҳол аксари давлатҳо филмҳои худро пешниҳод намудаанд ва қарор аст, ки интихоби ниҳоӣ то 15 сентябр анҷом ёбад.
Ёдовар мешавем, ки аз 15 то 20 октябр дар шаҳри Душанбе бахшида ба Рӯзи кинои тоҷик (16 октябр) Синамоҷашнвораи байналмилалии Душанбе — «Тоҷи Сомон» таҳти шиори «Таърихи рушди тоҷикон» доир карда мешавад. Синамоҷашнвора дар ду сол як маротиба баргузор мегардад. Якумин Синамоҷашнвораи байналмилалии Душанбе — «Тоҷи Сомон» соли 2023 доир шуда буд.
Бояд гуфт, ки мақсади гузаронидани синамоҷашнвора дастгирии ҷавонони эҷодкор, таваҷҷуҳ ба арзишҳои миллӣ, табодули таҷриба, омӯзиш, манзури ҳаводорони кино намудани филмҳои ватанию хориҷӣ, таҳияи лоиҳаҳои муштарак, муаррифии маконҳои сайёҳӣ ва тарғиби дастовардҳои замони соҳибистиқлолӣ, таҳкиму тавсеаи робитаҳои байналмилалӣ дар соҳаи кино мебошад.
Моҳинави НАВРӮЗ,
АМИТ «Ховар»
АКС: АМИТ «Ховар
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
1050-СОЛАГИИ РОБИАИ БАЛХӢ. Мавзуи асосии сурудаҳои ӯ ишқу муҳаббати инсонӣ, тасвири табиат ва зебоиҳои он мебошанд
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
«ҲАФТРАНГ БА ХОТИРАИ УСТОД». Дар Донишкадаи давлатии санъати тасвирӣ ва дизайни Тоҷикистон намоишгоҳ оғоз гардид
САДА — ҶАШНИ БОСТОНИИ МАРДУМИ ТОҶИК. Нуру гармӣ ҷавҳар ва рамзу асли зиндагиофарии ин ид мебошанд
