Дар Донишкадаи кӯҳию металлургии Тоҷикистон озмоишгоҳи энергияи барқароршаванда таъсис ёфт
ДУШАНБЕ, 04.08.2025 /АМИТ «Ховар»/. Дар Донишкадаи кӯҳию металлургии Тоҷикистон озмоишгоҳи энергияи барқароршавандаи бодӣ ва офтобӣ таъсис ёфт, ки ба омода намудани мутахассисони баландихтисоси ҷавобгӯ ба талаботи замони муосир бо истифода аз технологияҳои пешрафта мусоидат менамояд. Дар ин хусус 1 август зимни нишасти матбуотӣ ректори Донишкадаи кӯҳию металлургии Тоҷикистон Бахтиёр Маҳмадалӣ ба хабарнигорон иттилоъ дод.
Иброз гардид, ки дар давраи ҳисоботӣ дар назди кафедраи экология ва Парки инноватсионӣ ва технологии донишкада гармхонаи муосир бо низоми обёрии гуногун таъсис дода шуд. Ин гармхона барои баргузории дарсҳои амалӣ аз рӯйи якчанд фанни таълимӣ истифода бурда мешавад.
«Фаъолияти илмии Донишкадаи кӯҳию металлургии Тоҷикистон ба рушди таҳқиқоти амалӣ ва инноватсионӣ вобаста буда, ҳадафи асосияш ҳалли масъалаҳои калидии соҳаҳои саноати кӯҳӣ, металлургия, геология, корҳои нафту газ, энергетика ва экология мебошад»,-баён дошт Бахтиёр Маҳмадалӣ.
Дарёфти лоиҳаҳои грантӣ ва иҷрои корҳои илмӣ-таҳқиқотӣ дар асоси онҳо яке аз самтҳои муҳими фаъолияти донишкада ба ҳисоб меравад. Иброз гардид, ки лоиҳаҳои грантӣ имконият фароҳам меоранд, ки пойгоҳи моддию техникии донишкада ва кафедраҳо тақвият ёфта, инчунин натиҷаҳои илмии муҳаққиқон дар сатҳи байналмилалӣ муаррифӣ гарданд.
Дар ин замина донишкада бо мақсади ҷалби маблағгузорӣ ба Вазорати рушди иқтисод ва савдои Ҷумҳурии Тоҷикистон 9 лоиҳаи инноватсионӣ пешниҳод намудааст.
АКС: Донишкадаи кӯҳию металлургии Тоҷикистон
Дар Душанбе Ситод оид ба назорати истеҳсол ва сари вақт харидани либосҳои мактабӣ таъсис дода шуд
Ҳамкории Донишгоҳи байналмилалии забонҳои хориҷии Тоҷикистон бо Донишгоҳи Оксфорд густариш меёбад
Дар Донишгоҳи давлатии Кӯлоб ба муносибати Рӯзи илми тоҷик Ҳафтаи илм доир мешавад
ОБОД СОХТАНИ ВАТАН ИБОДАТ АСТ! Соҳибкорони ҳимматбаланди ватанӣ Мактаби президентии ноҳияи Темурмаликро сохтанд
Дар Донишгоҳи технологии Тоҷикистон ҷараёни татбиқи лоиҳаи таъсиси Маркази инноватсионии нассоҷӣ баррасӣ шуд
Дар Хуҷанд ғолибони даври шаҳрии озмуни «Омӯзгори сол» дарсҳои намунавӣ пешниҳод намуданд
Фестивал-намоишгоҳи сеюми байналмилалии донишгоҳҳои давлатҳои хориҷӣ дар Тоҷикистон ифтитоҳ ёфт
Оид ба таҳия ва такмили китобҳои дарсӣ машварати методӣ баргузор шуд
Дар ноҳияи Рӯдакӣ оид ба нақши Наврӯз дар ташаккули худшиносии миллӣ конференсияи илмӣ доир шуд
Иди Наврӯзро дар Коллеҷи политехникии ноҳияи Данғара пуршукуҳ ҷашн гирифтанд
Оид ба инкишофи бартарияти рақобатпазирии иқтисодиёти Тоҷикистон дар шароити муосир конференсияи байналмилалӣ доир шуд
Дар Коллеҷи техникию омӯзгории ноҳияи Рӯдакӣ озмоишгоҳи физика ба истифода дода шуд
