Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд
ДУШАНБЕ, 28.08.2025. /АМИТ «Ховар»/. Дар Ҷумҳурии Тоҷикистон аз ҷониби Бонки Осиёии рушд лоиҳаи «Такмили таҳсилоти миёна дар соҳаҳои илмҳои табиӣ, технологӣ, муҳандисӣ ва математика» (STEM) амалӣ мегардад. Зимни амалишавии ин лоиҳа сохтмони биноҳои иловагӣ бо озмоишгоҳҳои замонавӣ дар назди 20 муассисаи таҳсилоти миёнаи умумӣ ба нақша гирифта шудааст.
Тавре аз Вазорати маориф ва илми Ҷумҳурии Тоҷикистон иттилоъ доданд, биноҳои иловагӣ бо озмоишгоҳҳои замонавӣ дар назди 20 муассисаи таҳсилоти миёнаи умумӣ дар Вилояти Мухтори Кӯҳистони Бадахшон, вилоятҳои Суғду Хатлон ва шаҳру ноҳияҳои тобеи ҷумҳурӣ сохта мешаванд.
Дар ҷараёни вохӯрӣ азхудкунии маблағҳо, баргузор намудани ҳамоишҳо, бастани шартномаҳо, таҳлил ва таҳияи барномаҳои таълимии фанҳои дақиқ ва баррасии дигар ҳамкории минбаъдаи дуҷониба мавриди баррасӣ қарор гирифт.
Яке аз афзалияти муҳими биноҳои сохташаванда- ин насб шудани панелҳои офтобӣ бо тавлиди аз 45 то 60 кВт неруи барқ дар як соат мебошад, ки метавонад мустақилона биноро пурра бо неруи барқ таъмин намояд.
Ҷонибҳо дар доираи амалишавии лоиҳа оид ба таҳия намудани китобҳои дарсӣ аз фанҳои экология ва технологияи иттилоотӣ барои муассисаҳои таҳсилоти умумӣ, таъсиси низоми иттилоотии мактабҳо (SIS) ва монанди инҳо мубодилаи афкор намуданд.
АКС: Вазорати маориф ва илми Ҷумҳурии Тоҷикистон
Дар Душанбе Ситод оид ба назорати истеҳсол ва сари вақт харидани либосҳои мактабӣ таъсис дода шуд
Ҳамкории Донишгоҳи байналмилалии забонҳои хориҷии Тоҷикистон бо Донишгоҳи Оксфорд густариш меёбад
Дар Донишгоҳи давлатии Кӯлоб ба муносибати Рӯзи илми тоҷик Ҳафтаи илм доир мешавад
ОБОД СОХТАНИ ВАТАН ИБОДАТ АСТ! Соҳибкорони ҳимматбаланди ватанӣ Мактаби президентии ноҳияи Темурмаликро сохтанд
Дар Донишгоҳи технологии Тоҷикистон ҷараёни татбиқи лоиҳаи таъсиси Маркази инноватсионии нассоҷӣ баррасӣ шуд
Дар Хуҷанд ғолибони даври шаҳрии озмуни «Омӯзгори сол» дарсҳои намунавӣ пешниҳод намуданд
Фестивал-намоишгоҳи сеюми байналмилалии донишгоҳҳои давлатҳои хориҷӣ дар Тоҷикистон ифтитоҳ ёфт
Оид ба таҳия ва такмили китобҳои дарсӣ машварати методӣ баргузор шуд
Дар ноҳияи Рӯдакӣ оид ба нақши Наврӯз дар ташаккули худшиносии миллӣ конференсияи илмӣ доир шуд
Иди Наврӯзро дар Коллеҷи политехникии ноҳияи Данғара пуршукуҳ ҷашн гирифтанд
Оид ба инкишофи бартарияти рақобатпазирии иқтисодиёти Тоҷикистон дар шароити муосир конференсияи байналмилалӣ доир шуд
Дар Коллеҷи техникию омӯзгории ноҳияи Рӯдакӣ озмоишгоҳи физика ба истифода дода шуд
