Дар Тоҷикистон Озмуни ҷумҳуриявии «Рӯзнома ва маҷаллаи беҳтарин дар соли 2025» оғоз гардид
ДУШАНБЕ, 30.08.2025. /АМИТ «Ховар»/. Дар Тоҷикистон Озмуни ҷумҳуриявии «Рӯзнома ва маҷаллаи беҳтарин дар соли 2025» аз ҷониби Вазорати фарҳанги Ҷумҳурии Тоҷикистон баргузор мегардад.
Тавре ба АМИТ «Ховар» аз Вазорати фарҳанги Ҷумҳурии Тоҷикистон иттилоъ доданд, озмун бо мақсади таҳлили вазъи рӯзномаву маҷаллаҳои дар ҷумҳурӣ чопшаванда, интишори мавод ва тақвият бахшидан ба фаъолияти минбаъдаи онҳо гузаронида мешавад. Ҳамчунин озмун ба рушди соҳаи табъу нашри мамлакат, дастгирии кормандони воситаҳои чопии ахбори омма ва ҳавасманд намудани рӯзноманигорон мусоидат мекунад.
Озмун аз рӯйи номинатсияҳои ҷумҳуриявӣ, вилоятӣ, шаҳриву ноҳиявӣ ва соҳавӣ гузаронида шуда, ғолибони ҷойҳои I, II, III бо мукофоти пулӣ дар ҳаҷми 3000, 2000 ва 1000 сомонӣ қадрдонӣ мегарданд.
Довталабон метавонанд маводи дар рӯзнома ё маҷаллаи давлатию мустақили солҳои 2024 — 2025 дар ҷумҳурӣ нашршударо ба тариқи интихобӣ (аз маҷалла 5 шумора 1-нусхагӣ, аз рӯзнома 10 шумора 1- нусхагӣ) бо ариза ба Вазорати фарҳанги Ҷумҳурии Тоҷикистон пешниҳод намоянд.
Нашрияи пешниҳодшуда ба озмун дар асоси талаботи Низомнома ба ҳайати ҳакамон барои муайян намудани ғолибон пешниҳод карда мешавад. Муҳлати ниҳоии қабули дархостҳо 1 декабри соли 2025 мебошад.
АКС: АМИТ «Ховар»
Эмомалӣ Раҳмон: «Наврӯз, Меҳргон, Сада ва Тиргон таҷассумгари андешаҳои инсондӯстӣ ва бузургдошти табиат мебошанд»
Эмомалӣ Раҳмон: «Тоҷикон яке аз миллатҳои фарҳангиву тамаддунсози дунё мебошанд»
Эмомалӣ Раҳмон: «Борбад яке аз аввалин донандагони илми мусиқӣ ва оҳангсози касбии қаламрави ориёӣ эътироф гардидааст»
Эмомалӣ Раҳмон: ««Шоҳнома» сарчашмаи ҷовидонаи арзишҳои ҳувиятсози миллӣ ва андешаҳои ватандӯстиву истиқлолхоҳии тоҷикон мебошад»
Сарвари давлат Эмомалӣ Раҳмон мероси таърихиву фарҳангиро шиносномаи миллати куҳанбунёди тоҷик арзёбӣ намуданд
Китобҳои «Масири сарнавишт» ва «Авсофи Пешво» муаррифӣ карда шуданд
ПАЁМ-МУЖДА АЗ ШУКУФОӢ ВА ИҶРОИ ҲАДАФҲОИ СОЗАНДА. Дар Осорхонаи миллӣ ҳамоиш доир гардид
Асари «Абармарди таърихсоз» дар Озмуни ҷумҳуриявии «Китоби сол-2025» соҳиби Шоҳҷоиза гардид
Адибони тоҷик дар Саммити ҷаҳонии нависандагон ва рассомон CIESART-2025 иштирок намуданд
Намояндаи Осорхонаи миллии бостонии Тоҷикистон дар машварати байналмилалӣ дар Чин иштирок намуд
Дар Душанбе ҷилди нави китоби «Ваҳдат, Давлат, Президент» рӯнамоӣ гардид
