«ШОҲНОМА ВАТАН АСТ». Корвони китоби «Шоҳнома» ба ноҳияи Тоҷикобод ворид гардид
ТОҶИКОБОД, 20.08.2025. /АМИТ «Ховар»/. Бо мақсади шиносоӣ бо гузаштаи пурифтихори халқи тоҷик ва баланд бардоштани ҳисси худшиносии насли имрӯзу фардои миллат туҳфаҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон корвони китоби «Шоҳнома» (ҷилдҳои як ва ду) ба ноҳияи Тоҷикобод ворид гардид. Дар ин хусус ба хабарнигори АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Тоҷикобод иттилоъ доданд.
Китоби «Шоҳнома» (ҷилдҳои як ва ду) бо теъдоди 14 ҳазору 12 нусха ба ноҳияи Тоҷикобод ворид дастрас карда шуд, ки имрӯзҳо тақсими он дар 7006 хоҷагӣ идома дорад.
Иқдоми навбатии Президенти Ҷумҳурии Тоҷикистон муҳтарам Эмомалӣ Раҳмон оид ба интишор ва ба ҳар хонаводаи тоҷик тақдим намудани «Шоҳнома»-и безаволи Ҳаким Фирдавсӣ идомаи ташаббусҳои дурбинонаю ватандӯстонае мебошад, ки на танҳо ба баланд бардоштани эҳсоси ватанпарастии мардум, балки боло бурдани сатҳи маънавӣ ва ҷаҳонбинию дунёшиносии сокинон нигаронида шудааст.
«Шоҳнома»-и безаволи Ҳаким Фирдавсӣ аз ҷониби комиссияи босалоҳияти Дастгоҳи иҷроияи Президенти Ҷумҳурии Тоҷикистон қабул ва рақамгузорӣ карда шуда, ба ҳар хонавода ҳамчун туҳфаи таърихӣ ва рамзию арзишманди Сарвари давлат тақдим мегардад. Дар айни замон тақсими китобҳо дар ҷамоатҳои деҳоти ноҳия идома дорад.
Сокинони бо нангу номуси ноҳияи Тоҷикобод туҳфаи арзишманди Президенти Тоҷикистонро бо хушнудию сарфарозӣ қабул намуда, иброз доштанд, ки «Пешвои миллат муҳтарам Эмомалӣ Раҳмон барои бохабар гардидани сокинони Тоҷикистон аз таъриху гузаштаи ниёгон ва баланд бардоштани маърифату фарҳанги мардум дар баробари китоби «Тоҷикон»-и аллома Бобоҷон Ғафуров бори дуюм аст, ки китоби «Шоҳнома»-и безаволи Ҳаким Фирдавсии бузургро ба ҳар оила туҳфа менамоянд. Ҷавобан ба ин ғамхориҳои Сарвари давлат мо кӯшиш менамоем, ки бо фарзандонамон ин китобҳои таърихии миллати тоҷикро хонем, аз таъриху фарҳанги гузаштаамон бохабар гардида, насли наврасро дар руҳияи ватандӯстию хештаншиносӣ тарбия намоем».
АКС: Мақомоти иҷроияи ҳокимияти давлатии ноҳияи Тоҷикобод
Нишасти Платформаи шарикии байни Ҷумҳурии Тоҷикистон ва САҲА доир шуд
Даври сеюми Озмуни ҷумҳуриявии «Тараннуми Ватан» баргузор гардид
Забони тоҷикӣ садсолаҳост рафтори нек, гуфтори неку пиндори некро таблиғ менамояд, — бардошт аз конференсияи ҷумҳуриявӣ
Пагоҳ маросими ҷоизасупорӣ ба ғолибони Озмуни ҷумҳуриявии «Тоҷикистон – Ватани азизи ман» баргузор мегардад
«ПЕШВОИ МИЛЛАТ ВА МАСЪАЛАҲОИ РУШДИ ЗАБОНИ ДАВЛАТӢ». Таҳти ин унвон конференсияи ҷумҳуриявӣ доир шуд
Маликшо Неъматзода: «Имрӯзҳо бо забони тоҷикӣ зиёда аз 150 миллион нафар одамон дар як қатор кишварҳои олам муошират менамоянд»
Бахшида ба Рӯзи забони давлатӣ конференсияи илмию амалии ҷумҳуриявӣ баргузор мегардад
Ғолибони Озмуни ҷумҳуриявии «Донандаи беҳтарини асарҳои Пешвои миллат» қадрдонӣ гардиданд
126 ҳазор нусха китоби «Шоҳнома»-и Абулқосим Фирдавсӣ ба сокинони ноҳияи Рӯдакӣ тақдим мегардад
РӮЗИ БАЙНАЛМИЛАЛИИ МУСИҚӢ. Забони мусиқӣ оламшумул буда, ба тарҷумон ниёз надорад
ШОИРЕ, КИ ҶАҲОНРО БА ҲАМ ВАСЛ МЕКУНАД. Асарҳои Мавлоно имрӯз низ аз хонданитарин асарҳои дунёянд
30 СЕНТЯБР — РӮЗИ МАВЛОНО. Ҷалолуддини Балхӣ бо андешаю афкори созанда ҷаҳонро тасхир намудааст
