Байни Тоҷикистон ва Чин Ёддошти тафоҳум оид ба ҳамкории оморӣ ба имзо расид
ДУШАНБЕ, 05.09.2025. /АМИТ «Ховар»/. 3 сентябр дар Пекин байни Ҷумҳурии Тоҷикистон ва Ҷумҳурии Мардумии Чин 8 санади нави ҳамкорӣ ба имзо расиданд. Яке аз онҳо Ёддошти тафоҳум оид ба ҳамкории оморӣ байни Агентии омори назди Президенти Ҷумҳурии Тоҷикистон ва Бюрои миллии омори Ҷумҳурии Мардумии Чин мебошад.
Тавре ба АМИТ «Ховар» аз Агентии омори назди Президенти Ҷумҳурии Тоҷикистон иттилоъ доданд, ин санад ба мубодилаи иттилоот ва табодули таҷриба оид ба самтҳои афзалиятноки рушди омори расмӣ, аз ҷумла методологияи оморӣ, стандартҳо ва равандҳо равона мегардад.
Дар доираи ин санади ҳамкорӣ мубодилаи таҷриба оид ба истифодаи технологияҳои иттилоотӣ ва сарчашмаҳои нави маълумот барои таҳияи омори расмӣ, аз ҷумла рақамикунонии фаъолияти оморӣ, татбиқи технологияҳои иттилоотӣ дар ҷамъоварии маълумот ва истифодаи маълумоти калон дар таҳқиқоти оморӣ ва барӯйхатгирӣ амалӣ карда мешавад.
Инчунин ҷонибҳо дар оянда сафарҳои дуҷонибаи мутахассисонро бо мақсади омӯзиши таҷриба ва такмили малака дар самти ҷамъоварӣ, коркард, таҳлил ва паҳнкунии маълумоти омори расмӣ бештар менамоянд.
Агентии омори назди Президенти Ҷумҳурии Тоҷикистон ва Бюрои миллии омори Ҷумҳурии Мардумии Чин дар доираи Ёддошти тафоҳум оид ба ҳамкории оморӣ бо мақсади табодули таҷриба оид ба усулҳои пешрафтаи ташаккули омори расмӣ ҷаласа, семинар ва конфронсҳои муштарак доир менамоянд.
АКС: АМИТ «Ховар»
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
