Дар Бонки миллии Тоҷикистон имконияти платформаи рақамии амалиёти факторингӣ бо ширкати «OZPLANET» баррасӣ шуд
ДУШАНБЕ, 19.09.2025 /АМИТ «Ховар»/. Имконоти платформаи рақамии амалиёти факторинг* ва густариши ҳамкорӣ дар ин самт дар мулоқоти муовини якуми Раиси Бонки миллии Тоҷикистон Фируз Шарифзода бо муассисони ширкати узбекистонии Ҷамъияти дорои масъулияти маҳдуди «OZPLANET» ва роҳбари барномаи «Маблағгузорӣ дар асоси дороиҳои манқул»-и Корпоратсияи байналмилалии молиявӣ (IFC) дар Душанбе баррасӣ гардиданд, иттилоъ медиҳад АМИТ «Ховар» бо истинод ба Бонки миллии Тоҷикистон.
Муовини якуми Раиси Бонки миллии Тоҷикистон Фируз Шарифзода иброз намуд, ки рақамикунонии хизматрасониҳои молиявӣ яке аз ҳадафҳои афзалиятноки Бонки миллии Тоҷикистон аст. Дар ин самт татбиқи платформаи электронии факторингӣ, ки иқтидори дастгирии соҳибкории хурду миёна, таъмини шаффофияти ҳисоббаробаркунӣ ва фаъолгардонии гардиши сармояро дар иқтисодиёт дорад, саривақтӣ ва муфид хоҳад буд. Барнома ва платформаи электронӣ барои фароҳам овардани шароити мусоиди маблағгузорӣ таҳти гарави дороиҳои манқул, алалхусус ташкили платформаи рақамии факторинг ба таври сода ва зуд анҷом додани ҳисоббаробаркуниҳоро байни соҳибкорону таҳвилгарони онҳо имкон медиҳад.
Намояндагони Ҷамъияти дорои масъулияти маҳдуди «OZPLANET» доир ба фаъолияти платформаи рақамии факторинг дар Узбекистон маълумот пешниҳод намуда, кори платформаи мазкурро дар амал нишон доданд. Ширкати «ОZPLANET» таҳиякунанда, соҳибмулк ва оператори яке аз платформаҳои рақамии факторинг дар ин давлат буда, дорои таҷрибаи рақамикунонии хизматрасониҳои бонкӣ дар Узбекистон ва Русия мебошад.
Фирӯз Шарифзода иброз дошт, ки дар доираи Харитаи роҳ барои амалинамоии барномаи «Маблағгузорӣ дар асоси дороиҳои манқул» барои соҳибкорони хурду миёна дар Тоҷикистон соли 2024 байни Бонки миллии Тоҷикистон ва Корпоратсияи байналмилалии молиявӣ созишномаи дутарафа ба имзо расид. Ҳадафи он зиёд намудани дастрасии соҳибкорони хурду миёна дар Тоҷикистон ба хизматрасонии молиявӣ ва маҳсулоти қарзии алтернативӣ буда, маблағгузорӣ таҳти гарави дороиҳои манқул метавонад ба ин раванд мусоидат намояд.
Дар анҷом ҷонибҳо доир ба самтҳои дигари ҳамкории минбаъда табодули афкор намуданд.
АКС: Бонки миллии Тоҷикистон
___________
* Факторинг воситаи молиявӣ барои ширкатҳое мебошад, ки мол ё хизматрасониро бо шарти ба таъхир андохтани пардохт мефурӯшанд. Ба воситаи он молрасон ҳуқуқи талаб кардани қарз (қарзҳои дебиторӣ)-ро ба ширкати факторингӣ (бонк ё фирмаи махсусгардонида) барои пардохти фаврӣ, бе интизории пардохт аз харидор вогузор мекунад.
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ҚУРБИ АСЪОР: 1 рубли русӣ аз 0.1170 то 0.1189 сомонӣ муқаррар шудааст
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
