Дар Хуҷанд доир ба нақши иқтисоди рақамӣ дар саноатикунонӣ конфронси байналмилалӣ баргузор гардид
ДУШАНБЕ, 29.09.2025. /АМИТ «Ховар»/. Дар Муассисаи давлатии таълимии Донишгоҳи давлатии Хуҷанд ба номи академик Бобоҷон Ғафуров таҳти унвони «Нақши иқтисоди рақамӣ дар саноатикунонии босуръати мамлакат» конфронси байналмилалии илмӣ-амалӣ баргузор гардид. Ҳадафи асосии ҳамоиш баррасии дурнамо, мушкилот ва имконияти иқтисоди рақамӣ дар шароити ҷаҳонишавӣ ва нақши он дар рушди устувори иқтисодию саноатии Тоҷикистон мебошад. Дар ин хусус ба АМИТ «Ховар» аз ин донишгоҳ хабар доданд.
Иброз гардид, ки иқтисоди рақамӣ имрӯз ба унвони яке аз самтҳои афзалиятноки иқтисоди ҷаҳонӣ эътироф гардида, татбиқи он дар Тоҷикистон низ ҷузъи муҳими сиёсати иқтисодии давлат аст.
Саноатикунонии босуръати мамлакат, ки ҳадафи чоруми миллӣ эълон гардидааст, танҳо дар асоси ворид намудани технологияҳои рақамӣ ва истифодаи имконияти иқтисоди рақамӣ амалӣ шуда метавонад. Аз ҳамин лиҳоз, зарур аст, ки ҳар муассисаи таҳсилоти олӣ, аз ҷумла Донишгоҳи давлатии Хуҷанд дар тарбияи мутахассисони соҳибмаҳорати ин самт саҳми босазо гузорад.
Иқтисоди рақамӣ ҳамчун омили муҳими пешрафти босуръати иқтисод ва саноатикунонӣ дар замони муосир мавқеи калидӣ дошта, тақвияти ҳамкории илмӣ ва амалии байналмилалӣ дар ин самт барои Тоҷикистон ва минтақа аҳамияти хосса дорад.
Конфронси байналмилалӣ бо муҳокимаи васеъ, саволу ҷавоб ва мубодилаи таҷрибаи илмии мутахассисон ҷамъбаст гардид.
АКС: Маркази иттилоот ва таҳлили Донишгоҳи давлатии Хуҷанд ба номи академик Бобоҷон Ғафуров
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
Пагоҳ маросими ҷоизасупории Озмуни ҷумҳуриявии «Фурӯғи субҳи доноӣ китоб аст» баргузор мегардад
INTERNATIONAL JUNIOR SCIENCE OLYMPIAD (IJSO-2025). Хонандаи шаҳри Душанбе дар он соҳиби ҷойи сеюм гардид
«ИЛМ – ФУРӮҒИ МАЪРИФАТ». Ғолибони озмун аз Донишгоҳи техникии Тоҷикистон бо мукофотҳо қадрдонӣ карда шуданд
Ҳамкории Тоҷикистону Туркия дар самти таҳсилоти олӣ тақвият меёбад
Бо донишҷӯёни Донишгоҳи технологии Тоҷикистон барои бо шуғл фаро гирифтани онҳо вохӯрӣ баргузор шуд
«ШОҲНОМА-ГАНҶИНАИ ҲИКМАТУ ХИРАД». Дар ноҳияи Рӯдакӣ маҳфили илмӣ-адабӣ доир шуд
Дар Донишгоҳи байналмилалии забонҳои хориҷии Тоҷикистон рушди омӯзиши забонҳои хориҷӣ баррасӣ гардид
Дар Душанбе конференсияи байналмилалии «Математика дар ҷаҳони муосир» баргузор шуд
Дар Донишгоҳи давлатии омӯзгорӣ масоили муосири саноати мошинсозӣ ва маводшиносӣ баррасӣ гардид
