Дар «Роҳи оҳани Тоҷикистон» 34-солагии Истиқлоли давлатиро бо тантана таҷлил намуданд

ДУШАНБЕ, 06.09.2025 /АМИТ «Ховар»/. Дар Корхонаи  воҳиди давлатии «Роҳи оҳани Тоҷикистон» ба муносибати таҷлили 34-солагии Истиқлоли давлатии Ҷумҳурии Тоҷикистон ҷамъомади тантанавӣ баргузор гардид. Дар ин хусус ба АМИТ «Ховар» аз «Роҳи оҳани Тоҷикистон» хабар доданд.

Дар чорабинӣ роҳбарияти Корхонаи  воҳиди давлатии «Роҳи оҳани Тоҷикистон», Кумитаи иҷроияи Ҳизби Халқии Демократии Тоҷикистон дар шаҳри Душанбе ва ҳайати васеи кормандон иштирок доштанд.

Дар оғози чорабинӣ таъкид гардид, ки Рӯзи Истиқлол барои ҳар як тоҷику Тоҷикистони соҳибистиқлол санаи таърихӣ ва тақдирсоз мебошад.

Гуфта шуд, ки тамоми дастовардҳои даврони соҳибистиқлолӣ бо роҳбарии Президенти Ҷумҳурии Тоҷикистон, Пешвои миллат  муҳтарам Эмомалӣ Раҳмон амалӣ гардида, барои пешрафт ва рушди кишвар заминаи устувор фароҳам оварданд.

Дар охир ба як зумра кормандони Корхонаи  воҳиди давлатии «Роҳи оҳани Тоҷикистон» барои натиҷаҳои назаррас дар иҷрои вазифаҳои хизматӣ ва намунавӣ мукофотҳои соҳавӣ ва ифтихорнома тақдим карда шуд.

АКС: Корхона воҳиди давлатии «Роҳи оҳани Тоҷикистон»