Дар Тоҷикистон беш аз 1,5 миллион тонна ангишт истихроҷ карда шуд
ДУШАНБЕ, 01.09.2025 /АМИТ «Ховар»/. Вазорати саноат ва технологияҳои нави Ҷумҳурии Тоҷикистон аз истихроҷи беш аз 1,5 миллион тонна ангишт дар 8 моҳи соли равон дар мамлакат иттилоъ медиҳад.
Ин омор нисбат ба ҳамин давраи соли 2024 55 ҳазор тонна зиёд мебошад. Гуфта мешавад, ки дар ин давра аз ҷониби 16 корхона дар 13 кон ангишт истихроҷ карда шудааст.
Фурӯши ангишт бо назардошти бақияи соли сипаригардида беш аз 1,3 миллион тоннаро ташкил дод. Бақияи ангишт дар анбори корхонаҳои соҳа бо назардошти бақияи ангишти соли 2024 964,0 ҳазор тонна мебошад.
Дар ин давра 678,5 ҳазор тонна ангишт ё 45 фоиз аз ҷониби корхонаҳои давлатӣ ва 868,7 ҳазор тонна ё 55 фоиз аз тарафи корхонаҳои хусусӣ истихроҷ карда шудааст.
Аз ҳаҷми ангишти истихроҷгардида 618,0 ҳазор тонна ё 39 фоиз ба таврӣ кушод ва 929,3 ҳазор тонна ё 61 фоиз ба таврӣ зеризаминӣ истихроҷ гардидааст.
Дар ин давра фурӯши ангишт бо назардошти бақияи соли 2024 беш аз 1,3 миллион тонна, аз ҷумла ба Маркази барқу гармидиҳӣ-2 –и шаҳри Душанбе 599,7 ҳазор тонна рост меояд. Инчунин дар ин давра ба хориҷи мамлакат 307,8 ҳазор тонна ангишт содирот карда шудааст, ки нисбат ба ҳамин давраи соли 2024 248,6 ҳазор тонна ба маблағи 10,1 миллион доллари амрикоӣ зиёд мебошад.
Алҳол дар корхонаҳои истихроҷкунандаи ангишт 758 техникаи махсуси карйерӣ фаъолият дошта, шумораи кормандони ин корхонаҳо ба 2423 нафар мерасад.
Бо мақсади ҷалби сармояи дохилию хориҷӣ барои сохтмони
корхонаи коркарди ангишти коксшавандаи «Фон-Яғноб», истеҳсоли кокс ва истеҳсоли антратсит аз кони «Назар-Айлоқ» аз ҷониби
Вазорати саноат ва технологияҳои нави Ҷумҳурии Тоҷикистон бо ширкатҳои давлатҳои Русия, Чин, Узбекистон ва кишварҳои Аврупо ба протокол ва нақшаи чорабиниҳои комиссияи байниҳукуматии ҳамкории иқтисодию тиҷоратӣ
пешниҳодҳои асоснок ворид карда шудаанд, ки дар баррасии ҷонибҳо қарор доранд.
АКС аз манбаъҳои боз
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
Татбиқи лоиҳаҳои сармоягузорӣ ва ҷалби сармояи Бонки Осиёии рушд ба иқтисоди Тоҷикистон муҳокима гардид
Ҳамкории Тоҷикистон ва Эрон дар самти рушди иқтисодӣ ва тиҷоратӣ густариш меёбад
Масоили коркарди дубора ва ивази мавод барои кам кардани хатари партовҳои пластикӣ баррасӣ гардид
Вазорати нақлиёти Тоҷикистон оид ба андозаи нави ҷаримаҳо барои вайрон кардани қоидаҳои ҳаракат дар роҳ маълумот медиҳад
Дурнамои ҳамкории иқтисодию тиҷоратии Тоҷикистон ва Эрон муҳокима гардид
Хушкмеваҳои Тоҷикистон дар шаҳри Пензаи Федератсияи Русия талабгори зиёд пайдо намудаанд
Дар Душанбе масъалаҳои марбут ба ҷалби сармояи мустақими Эрон ба иқтисодиёти Тоҷикистон баррасӣ шуданд
