Форуми байналмилалӣ оид ба ҳамкории Тоҷикистон ва СММ ба хотири рушди устувор баргузор шуд
ДУШАНБЕ, 26.09.2025 /АМИТ «Ховар»/. Ташаббусҳои ҷаҳонии Ҷумҳурии Тоҷикистон таҳти роҳбарии Президенти Ҷумҳурии Тоҷикистон муҳтарам Эмомалӣ Раҳмон дар самти ҳифзи захираҳои об, рушди иқтисоди «сабз» ва тақвияти ҳамкории минтақавию байналмилалӣ мавқеи мамлакатро ҳамчун пешоҳанги ташаббусҳои глобалӣ тақвият додааст. Ин нуктаро Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода зимни суханронӣ дар Форуми байналмилалӣ таҳти унвони «Созмони Милали Муттаҳид ва ташаббусҳои ҷаҳонии Ҷумҳурии Тоҷикистон: ҳамкорӣ ба хотири рушди устувор», ки имрӯз дар Душанбе бо ибтикори Институти илмию тадқиқотии рушди устувор ва иқтисоди сабзи Донишгоҳи байналмилалии сайёҳӣ ва соҳибкории Тоҷикистон баргузор гардид, иброз намуд. Дар ин хусус ба АМИТ «Ховар» аз Донишгоҳи байналмилалии сайёҳӣ ва соҳибкории Тоҷикистон иттилоъ доданд.
Дар форум ректори донишгоҳ бо ишора ба суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар иҷлосияи 80-уми Маҷмаи Умумии Созмони Милали Муттаҳид гуфт, ки Тоҷикистон дар раванди ҳалли мушкилоти глобалӣ, аз ҷумла тағйирёбии иқлим, дипломатияи об, амнияти киберӣ ва таҳкими ҳуқуқи байналмилалӣ мавқеи устувор ва созанда дорад. Ҳамзамон ба нақши муассир ва аҳамияти робитаҳои устувори илмӣ-таҳқиқотӣ ва ҳамкории байналмилалӣ дар амалӣ намудани ҳадафҳои рушди устувори Созмони Милали Муттаҳид ишора карда шуд.
Дар форум гуфта шуд, ки рушди устувор, ҳифзи муҳити зист ва истифодаи оқилонаи захираҳои табиӣ на танҳо масъулияти миллӣ, балки уҳдадории умумибашарӣ мебошад. Иштирокдорони форум ҳамкории байналмилалиро омили калидӣ дар татбиқи ҳадафҳои стратегии рушди устувор арзёбӣ карданд.
Ёдовар шудан бамаврид аст, ки ин форум ба ифтихори 80-солагии таъсиси Созмони Милали Муттаҳид ва дар ҳошияи суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар иҷлосияи 80-уми Маҷмаи Умумии Созмони Милали Муттаҳид баргузор шуд. Ҳадафи он таҳкими шарикӣ ва муколама дар самти татбиқи ташаббусҳои ҷаҳонии Ҷумҳурии Тоҷикистон ва мусоидат ба ноилшавӣ ба Ҳадафҳои рушди устувор (ҲРУ) мебошад.
Форум бо қабули пешниҳодҳои мушаххас оид ба таҳкими ҳамкорӣ байни муассисаҳои илмӣ-таҳқиқотӣ, ташкилоти байналмилалӣ ва сохторҳои давлатӣ анҷом ёфт.
АКС: Донишгоҳи байналмилалии сайёҳӣ ва соҳибкории Тоҷикистон
Дар Донишгоҳи давлатии омӯзгории Тоҷикистон бахшида ба Рӯзи Артиши миллӣ ҳамоиши фарҳангӣ баргузор гардид
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
