Вазири ЭКСПО-2025 Павилиони Ҷумҳурии Тоҷикистонро дар шаҳри Осакаи Ҷопон тамошо намуд
ДУШАНБЕ, 04.09.2025. /АМИТ «Ховар»/. Дар доираи Намоишгоҳи байналмилалии ЭКСПО-2025, ки моҳи апрел оғоз ёфта, то моҳи октябри соли равон дар шаҳри Осакаи Ҷопон идома меёбад, Вазири ЭКСПО-2025 Ито Ёшиката Павилиони Ҷумҳурии Тоҷикистонро тамошо намуд. Дар ин хусус ба АМИТ «Ховар» аз Палатаи савдо ва саноати Ҷумҳурии Тоҷикистон хабар доданд.
Зимни тамошо ба Ито Ёшикита оид ба мавзуи интихобшудаи Павилиони Ҷумҳурии Тоҷикистон, ки аз ташаббусҳои глобалии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар самти тағйирёбии иқлим, алалхусус обшавии пиряхҳо сарчашма мегирад, иттилоъ дода шуд.
Ҳамзамон зимни шиносоӣ вобаста ба табиати зебоманзари Тоҷикистон, фарҳангу тамаддун, маҳсулоти аз ҷиҳати экологӣ тоза, имконоти сайёҳӣ ва сармоягузории мамлакат маълумоти муфассал дода шуд.
Ито Ёшикита ба амсилаи пиряхи Ванҷях (Федченко), ки бузургтарин пирях ба шумор меравад, таваҷҷуҳи бештар зоҳир намуда, аз нест шудани қитъае аз масоҳати он изҳори таасуф кард ва ташаббусҳои Президенти Тоҷикистонро иқдоми зарурӣ барои ҷомеаи ҷаҳонӣ ҳисобид.
Меҳмони олиқадр ба Павилиони Ҷумҳурии Тоҷикистон баҳои баланд дода, ба Тоҷикистон шукуфоӣ ва комёбиҳо таманно намуд.
Ёдовар мешавем, ки Намоишгоҳи байналмилалии ЭКСПО-2025 аз 13 апрел то 13 октябри соли 2025 дар шаҳри Осакаи Ҷопон баргузор шуда, Ҷумҳурии Тоҷикистон дар он бо Павилиони миллии худ иштирок дорад. Тибқи омори расмии ЭКСПО-2025, ҳамарӯза Павилиони Тоҷикистонро аз 20 то 25 ҳазор меҳмонон тамошо менамоянд.
АКС: Палатаи савдо ва саноати Ҷумҳурии Тоҷикистон
Дар Душанбе масъалаи ҷалби сармоягузорӣ ба иқтисоди Тоҷикистон баррасӣ гардид
Дар Душанбе раванди татбиқи барномаи нави «Аз пиряхҳо то хоҷагидорон» баррасӣ гардид
Созишномаи иловагӣ оид ба сохтмон ва истифодаи корхонаи истеҳсоли техникаи маишии «Artel Avesto Electronics» ба имзо расид
Дар шаҳри Бӯстон мушкилии таъминот бо об бартараф гардид
Дар ноҳияи Зафаробод 12 пойгоҳи обкашӣ фаъолият дорад
Оид ба масъалаҳои идоракунии молияи давлатӣ ҷаласа доир гардид
Дар Душанбе таҳти раёсати ҷониби Тоҷикистон ҷаласаи 48-уми Шурои авиатсия ва истифодаи фазои ҳавоии ИДМ баргузор гардид
Хизматрасониҳои нави электронии андоз ҷорӣ карда шуданд
«ХАТЛОН — САРЗАМИНИ ТАМАДДУНҲО ВА САЁҲАТ». Дар ноҳияи Муъминобод Форум ва намоиши байналмилалии сайёҳӣ доир мегардад
Дар Душанбе ҷаласаи ҷашнии Шурои нозирони Созмони ҳамкории роҳҳои оҳан баргузор мешавад
Азнавбарқароркунии мусофирбарӣ тавассути роҳи оҳан дар хатсайри «Душанбе — Москва» баррасӣ карда шуд
Муовини Сарвазири Тоҷикистон дар ноҳияҳои Хатлон бо корҳои саҳроӣ шинос шуд
