ДАРАХТ БИНШОН! Дар ноҳияи Ҷалолиддини Балхӣ беш аз 30 ҳазор бех ниҳоли сояафкану ҳамешасабз шинонида мешавад
ДУШАНБЕ, 23.12.2025 /АМИТ «Ховар»/. Дар ноҳияи Ҷалолиддини Балхӣ шинонидани 32 ҳазор бех ниҳоли сояафкану ҳамешасабз, 345 ҳазор дона гулҳои мавсимӣ ва доимӣ, инчунин дар 9 ҳазор метри мураббаъ майсазоркунӣ ба нақша гирифта шудааст. Дар ин хусус ба АМИТ «Ховар» аз хадамоти матбуоти Раиси вилояти Хатлон иттилоъ доданд.
То имрӯз дар ноҳия беш аз 7 ҳазор бех ниҳоли сояафкану ҳамешасабз ва 15 ҳазор дона гулу буттаҳои ороишӣ шинонида шудаанд. Ин амал ба боз ҳам зебо гардидани симои ноҳия, сарсабз шудани муҳити зист ва баланд бардоштани сатҳи зиндагии аҳолӣ мусоидат менамояд.
Иттилоъ дода шуд, ки 20 декабр дар ноҳия дар доираи татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» маъракаи ниҳолшинонӣ баргузор гардид.
Мақсади ин иқдоми муҳими экологӣ аз беҳтар намудани вазъи муҳити зист, коҳиш додани таъсири омилҳои манфии экологӣ, зебо гардонидани симои ноҳия ва фароҳам овардани муҳити солими зиндагӣ барои сокинон иборат буд.
Ҳамзамон дар канори роҳҳои автомобилгард, маҳаллаҳои аҳолинишин ва қитъаҳои муайяншуда ниҳолҳои гуногуни дарахтони сояафкану ҳамешасабз шинонида шуданд. Чунин иқдом дар баланд бардоштани фарҳанги экологии ҷомеа аҳамияти хосса дошта, ҳисси масъулиятшиносӣ ва зебоипарастии сокинонро нисбат ба муҳити зист тақвият мебахшад.
АКС: Хадамоти матбуоти Раиси вилояти Хатлон
ДАРАХТ БИНШОН! Дар шоҳроҳи байналмилалии Хуҷанд-Чанок 500 бех ниҳоли санавбар шинонида шуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
«КИШВАРИ САБЗ». Дар шафати роҳи мошингарди Конибодом –Хуҷанд 2700 бех ниҳол шинонида мешавад
Энергетикҳо дар маҳаллаи Лучоби Боло 1500 бех ниҳоли дарахтони мевадиҳанда шинониданд
ДАРАХТ БИНШОН! Дар Роғун, Ваҳдат ва Файзобод беш аз 2 ҳазор бех ниҳоли дарахтони ороишӣ шинонида шуд
Бо иштироки муовини Сарвазири Тоҷикистон ва аъзои ҲХДТ дар Варзоб беш аз 700 бех ниҳол шинонида шуд
Ҳифзи растаниҳои нодир вазифаи ҳар як шаҳрванд мебошад
Дар шаҳри Турсунзода зиёда аз 22 ҳазор бех ниҳол ва 300 ҳазор дона гулҳои гуногун шинонида мешаванд
БАРНОМАИ ДАВЛАТИИ КАБУДИЗОРКУНӢ. Дар Ҳисор беш аз 20 ҳазор бех ниҳоли дарахтони ҳамешасабз шинонида мешавад
Дар шаҳри Ваҳдат бо иштироки муовини Сарвазири Тоҷикистон маъракаи ниҳолшинонӣ доир гардид
Дар минтақаи Ховарон дар беш аз 7 гектар боғи мевадиҳанда бунёд мегардад
ДАРАХТ БИНШОН! Дар шафати роҳҳои мошингарди Ванҷ беш аз 2000 бех ниҳол шинонида шуд
