НИШАСТИ МАТБУОТӢ. Дар Донишгоҳи давлатии тиҷорати Тоҷикистон 6 неругоҳи барқи офтобӣ ба истифода дода шуд
ДУШАНБЕ, 27.01.2026 /АМИТ «Ховар»/. Дар Донишгоҳи давлатии тиҷорати Тоҷикистон дар ҳамкорӣ бо ширкатҳои ватанӣ ва собиқ хатмкунандагони донишгоҳ барои ташаккул ва рушди стратегияи иқтисоди «сабз» 6 неругоҳи барқи офтобӣ бо иқтидори умумии 62 кВт сохта ва ба истифода дода шуд. Дар ин хусус ректори ин донишгоҳ Хайрулло Назарзода 27 январ зимни нишасти матбуотӣ ба хабарнигорон иттилоъ дод.
«Баъзе синфхонаҳо ва маҷлисгоҳҳои донишгоҳ бо ҳамин неругоҳҳои барқи офтобӣ равшан карда шудаанд. Нақша дорем, ки дар оянда шумораи чунин неругоҳҳоро зиёд намоем»,- иброз дошт Хайрулло Назарзода.
Тавре аз Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ (16 декабри соли 2025) бармеояд, масъалаи амалӣ гардидани ҳадафҳои стратегӣ, хусусан истиқлоли энергетикӣ чун мавзуи меҳварӣ дар маркази таваҷҷуҳ ва диққати Ҳукумати Тоҷикистон қарор дорад.
Хайрулло Назарзода афзуд, ки Паёми Президенти Ҷумҳурии Тоҷикистон ба Маҷлиси Олӣ, ки дар он барқарории истиқлоли энергетикӣ ва роҳҳои расидан ба зиндагии шоистаи мардуми мамлакат баррасӣ карда мешаванд, аҳамияти муҳимтарин ҷанбаҳои рушди иқтисодӣ ва пешрафти соҳаҳои стратегиро таъкид мекунад. Маҳз ин ҳадафҳои асосӣ ба баландшавии истеҳсоли маҳсулоти саноатӣ, афзоиши содироти маҳсулоти ватанӣ ва истифодаи самаранок аз имконияти бозори ҷаҳонӣ, ки барои Тоҷикистон фурсати беназир фароҳам меорад, мусоидат мекунанд.
Ба иттилои Вазорати энергетика ва захираҳои оби Ҷумҳурии Тоҷикистон, то соли 2030 дар мамлакат иқтидори умумии неругоҳҳои барқӣ аз ҳисоби манбаъҳои офтобӣ ва бодӣ бояд на камтар аз 3000 МВт-ро ташкил диҳад. Бунёди неругоҳҳои офтобӣ ва бодӣ имкон медиҳад, ки фаъолияти низоми энергетикӣ беҳтар гардад. Ин махсусан ба давраи авҷи истеъмол-асосан фаслҳои тирамоҳу зимистон рост меояд.
Зимни нишаст дар мавриди бо ҷойи кор таъмин намудани хатмкунандагони донишгоҳ изҳор гардид, ки соли 2025 67 фоизи хатмкунандагони донишгоҳ бо ҷойи кор таъмин карда шуданд.
Моҳинави НАВРӮЗ,
АМИТ «Ховар»
АКС: АМИТ «Ховар»
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
